الفصل العاشر... ❤

2029 Words

مروان اول ما نزل اتصدم لما شاف سوزي واقعه في حضن فاروق وشادية واقفه بتصوت وقال بصوت عالي: بابا هو في اي مين دي سوزي بسرعه بعدت عن فاروق وهو قال: هو في مالك انت وهي صوتكم عالي ليه واحده وكانت هتقع وسندتها فين المشكلة رديت شادية وقالت: كانت هتقع اي بس يا جدي دي كانت تكه وهتبوسك واصلا دي بتعمل اي في بيتنا انا مش فاهمه اي الاشكال دي هو انت فاتحها ملجأ البيت بقي لامم اوي فاروق زعق وقال: شادية عيب كدا في اي هو دا اللي ابوكي علموا ليكي ولا اي الست دي غلبانه وخبطتها وعشان كدا قاعده هنا ودي ابسط حاجه اقدمها ليها سوزي عملت نفسها بتعيط وقالت: انا اسفه انا كان لازم امشي من الاول قولتلك يا فاروق بيها انا هعملك مشاكل عن اذنك انا هاخد بعضي وهمشي وشكرا بجد لكل اللي عملته معايا فاروق زعق وقال: علي فكرة دا بيتي وانا اللي اقول مين يقعد ومين يقعد ومحدش هيمشي من هنا واللي مش عجبه الباب يفوت جمل مروان اتصدم وقال: اي اللي بتقوله دا يا جدي تطلع مين دي عشان تطرد احفادك عشانها انت مش ملاحظ انك مزودها شوية رد وقال: والله انا حر والست دي بقي هتبقي مراتي واللي مش عجبه يخبط دماغه في اتخن حيط يلا يا سوزي عشان ارجعك اوضتك مروان اتصدم وشادية خدت بعضها وخرجت من الفيلا خالص وهو طلع تاني ودخل وهو قالب وشي واستغربت وقولتله: في اي يا مروان مالك يا حبيبي اي اللي حصل تحت وليه صوتكم عالي كدا انت كويس رد وقالي: جدي مش عارف اي حصله ومين اللي تحت دي اول مره اشوفها وشكلها مش لطيف خالص والمصيبه انه بيقول هيتجوزها هو اي اللي حصل في يوم وليله دا استغربت وقولتله: اهدي يا مروان اكيد في حاجه وهنعرفها بس انت متزعلش نفسك وقولي بقي هي فين الدكتورة دي مش اتاخرت قرب وقعد جانبي وقالي: زمانها جايه يا روحي متقلقيش انتي هتبقي كويسه في اقرب وقت وهعوضك يا احلي زينه في الدنيا كلها سليم دخل عند خالد يطمن عليه واول ما دخل كان خالد نايم علي الكرسي حاول يصحيه براحه وقاله: خالد يا حبيبي قوم سامحيني يا خالد انا والله بعمل كل دا عشانك وعشان خايف عليك يلا قوم خد دش لاني محضرلك ليك مفاجاه خالد قام وبصله بعتاب وقال: تشكر يا سليم انا مش عايز منك حاجه وياريت تعرف اني مش عيل صغير وعارف مصلحتي كويس اوي سليم اضايق من رد اخوه وقاله: انت ليه بتعمل في نفسك كدا يا خالد صدقني زينه دي متنفعكش هي خلاص اختارت حياتها ولو اخر واحده انا مش هجوزهالك خالد اتعصب وقال: وانا مش هتجوز غيرها يا سليم وهاخدها وانت عشان منخسرش بعض طلع نفسك من الموضوع دا خالص دخلت مايا وهي بتقول: هو انت دايما كدا بتحب صوتك يكون عالي متتلم يا عم شوية علي الاقل احترم انك بتكلم اخوك الكبيرة اللي ملكش غيره يا خالد انت ليه عامل في نفسك كدا خالد اتصدم وقال: مايا انتي بتعملي اي هنا ااه هي دي بقي المفاجاه يا استاذ سليم انت دماغك فيها اي بالظبط اتفضل خدها وامشوا مايا بصيت لسليم وقالت: اتفضل انت يا سليم وكتر خيرك لحد كدا وسبهولي بقي انا عارفه كويس هعمل معه اي خالد اتصدم لما سليم خرج وقفل الباب بالمفتاح وبص بشر لمايا وقالها: انتي عايزه مني اي قولتلك مية مره اني مش بحبك اي عايزه تتجوزيني عافيه ولا اي يا مايا لدرجادي معندكيش دم ولا كرامه مايا كانت بتموت من كلامه بس مسكت نفسها وقالت: قول اللي تقوله محدش فينا هيخرج من هنا انت خلاص اتجننت بقي بتخسر اخوك لمجرد واحده بتحبها اخوك اللي خسر حياته وعمره وهو بيربي فيك ومفكرش يتجوز حته خالد كان الكلام بداء ياثر فيه وقال بزعيق: اسكتي بقي مش عايز اسمع صوتك محدش طلب منه يعمل كدا هو اللي اختار وانا مش مطالب ارد اي حاجه مايا ضحكت وقالت: انت انسان اناني يا خالد بجد يا خسارة حبي ليك انت مريض ولازم تتعالج انت متستهلش اخ زي سليم خالص وانا قولتهالك ومش هقولها تاني محدش فينا هيخرج من هنا صحيت ايمان الصبح لاقيت نفسها نايمه علي الكنبه ورامز جانبها استغربت وفضلت بصاله كتير اوي لحد ما رامز فتح عينه وفضلوا بصيين لبعض شوية ورامز قطع السكوت وقال: تعرفي اني حلوة اوي يا ايمان بس قلبك معمي وعليه تراب بغباء ياريتك فضلتي بيضاء من جوه زي ما كنتي اول ما شوفتك ايمان حسيت ان قلبها وجعها من كلامه وقالتله: انت متعرفش حاجه يا رامز انا تعبت كتير اوي في حياتي انت متعرفش يعني اي تعيش مع مرات اب كل همها بنتها وبس وبتتعامل انت ازبل معامله وابوك ميقدرش يفتح بؤقه ومش بيصدق حرف منك لا وممكن يمد ايده كمان رد وقالها: بس دا مش مبرر انك تفكري تقتلي عشان تسرقي اللي بيحب صحبتك ودوري علي واحد غني وخلاص الحياة مش فلوس وبس صدقيني هتعيشي مرتاحه ازاي وانتي عايشن مصلحه ومفيش حب ولا اهتمام ولا حنيه ضحكت ايمان بوجع وقالت: لازم اعمل كدا يا رامز انا من حقي اعوض اللي ضاع من حياتي وغير كدا انا متاكده اني مستحيل اتحب وعشان كدا مبقيتش ادور علي الحب ولا حته بفكر فيه رامز قرب ومسك ايدها وقال: بس انا حبيتك حته من غير ما اعرفك حبيتك من ضحكتك حبيتك من صوتك اللي بيخ*ف قلبي من مجرد ما اسمعه حبيتك من حبك للاكل وانتي بتبهدلي نفسك وانتي بتاكلي زي الاطفال ايمان ضحكت غصب عنها وقالت: انت بتتريق عليا وتقولي حبيتك بوظت الكلام حرام عليك بس ليه انا يا رامز دا في كتير احسن مني ومناسبين ليك رد وقال: الحب مش كدا خالص يا ايمان انا مش عايز المناسبة ليا ولا عايز الشكل ولا النسب انا عايز اللي قلبي اختارها وحبها اللي شوفت فيها امي واختي وصحبتي وبنتي وحبيبتي ومراتي ايمان اتصدمت وقالت: مراتك انت بتقول اي يا رامز لا انا مستحيل اوافق علي كدا انا منفعكش خالص سبني وكمل حياتك انت انا مكاني السجن رامز مسك ايدها وقال: مبقاش ليه لازمه الكلام دا خلاص انتي بقيتي مراتي ولا نسيتي الورق اللي مضيتي عليه امبارح دي كانت قسيمة جوازنا ايمان قعدت علي الارض وقالت: بس بقي انت بتعمل فيا كدا ليه انت مش قولت اهلا بيكي في جحيمي فين الجحيم دا انت بتقدملي الخير وبس وانا كدا بتعذب والله رامز قرب منها وقال بدموع: ما هو دا الجحيم يا ايمان وهتفضلي في العذاب دا لحد ما تفوقي لنفسك وترجعي احسن من الاول كمان انتي فاهمه مش هسيبك لشيطانك مهما حصل رامز سابها ومشي وايمان فضلت تعيط ومش فاهمه اللي بيحصل معها خالص.... عزت دخل لسوزي من غير حد ما ياخد باله وقالها: هو اي اللي حصل دا وازاي ابويا قال انه هيتجوزك اي اللي حصل يا سوزي احكيلي بسرعه سوزي ضحكت وقالت: والنبي يا اخويا محصلش حاجه كل اللي حصل....... فلاش باااك سوزي كانت واخده نفسها وخارجه من الفيلا وفاروق واقفه وقالها: انتي راحه فين يا انسة سوزي اي اللي حصل هو حد ضايقك بكلمه سوزي عملت نفسها بتعيط وقالت: انا لازم امشي من هنا يا فاروق بيه هما مش هيسبوني في حالي انا مش هينفع اسببلك مشاكل فاروق استغراب وقال: انا مش فاهم حاجه خالص اقعدي بس كدا وفهميني في اي ولكل حاجه حل والله بلاش تسرعك دا قعدت سوزي وقالت: يا فاروق بيه اخو جوزي مش سايبني في حالي وعايز يتجوزني غصب عني وكل لما اروح مكان يجي ورايا ويعملي مشامل عشان يجبرني اوافق وعشان كدا انا كل شوية في بلد وكل شوية شغلانه جديده لحد ما قربت اخلص علي نفسي وارتاح بجد فاروق رد بسرعه وقال: بس اسكتي بلاش هبل كل حاجه وليها حل وانتي مش هتروحي في اي حته انتي فاهمه انا مش هسمحلك تمشي ويوريني هيعمل اي بقي باااااااااك.... سوزي وهي بتضحك كملت وقالت: ودا اللي حصل يا سيدي وبعدين بنتك واللي اسمه مروان ادخلوا ولاقيته بيقول انه هيتجوزني بس كدا وانا من ساعتها بضحك عزت فضل يضحك وقال: والله انا قولت محدش هيقدر عليه غيرك كنتي هو انا اختارتك من فراغ شاطرة يا سوزي والله تستهلي جايزة رديت وقالت: لا يا اخويا انا مش عايزة جايزة انا عايزة تخف ايدك شوية وتزيد الحساب اصل بصراحه الفلوس قليله اوي وانا شكلي هدبس في الجوازة دي فلازم تعويض عزت قرب منها وحضنها وقال: يا قلبي انا كلي ليكي وكل اللي عايزاها هدهولك بس انتي كملي الخطه علي نفس الوضع خلينا نخلص بقي شادية راحت لجون البيت واول ما دخلت حضنته وقالت: وحشتني اوي يا جون انا بجد مبقتش مستحمله فكرة اني بقابلك كل شوية في السر كدا هو احنا هنخلص من الوضع دا امتا بقي جون ضحك وقال: اصبري بس شوية يا حبيبتي ونفذي كل كلامي وهناخد كل حاجه وهنهرب وهنكون سوي وبلاش تنشفي دماغك بقي شادية اضايقت ورديت وقالت: يوووه انتوا مش بتفكروا غير في الفلوس وبس انا زهقت بقي هو انا لعبة في ايد*كوا ليه بتستغلوني بالشكل دا جون حاول يسيطر عليها وقال: يا روحي مش قصدي خلاص مش لازم تعملي حاجه ويلا بينا نهرب من هنا بس هتسامحيني لاني مش هقدر اجبلك لبس ماركات زي بتاعتك ولا هيكون عندنا عربيه ولا مجوهرات ولا هيبقي في خروجات ولا نادي ولا اي حاجه من اللي متعودة عليها وهنعيش علي قدنا شادية بقيت مضايقه اكتر من اللي بتسمعه لانها مدلعه اوي ومستحيل تستغني عن كل دا وقالت: لا لا مش هقدر طب وشكلي وسط اصحابي انا مستحيل ابقي اقل من حد فيهم خلاص يا جون انا هنفذ اللي هتقوله بس لازم يكون في اسرع وقت لاني مش هستحمل كتير جون ابتسم بانتصار وقال: اكيد يا حبيبتي دا انا مش هستحمل قرب واحد تاني منك اصلا انتي بس اسمعي كلامي دا ونفذيه بالحرف بداء جون يقول لشادية كل الخطة وشادية بتسمعه وبتبسم بخبث زي ما تكون الخطه عجبتها اوي وبعدين قضوا يومهم سوي في علاقتهم اللي مترضيش ربنا الدكتورة جت والداده طلعتها عندنا الاوضة ومروان قالها: اهلا يا دكتور اتاخرتي اوي كدا ليه افتكرتك مش هتيجي والله وزينه كانت قلقانه رديت وقالت: انا مقدرش اتاخر بس كان عندي شغل مهم قولت اخلصه واجي عشان اقعد مع انسة زينه براحتي ممكن بقي حضرتك تطلع بره استغربت وقولت: يطلع بره ليه خليه قاعد معايا مفيش سبب يطلع عشانه مروان عارف عني كل حاجه ومفيس حاجه اخبيها عنه الدكتورة قالتٰ: انا عارفه كل دا بس اظن من الاحسن اول جلسه تكون المريضه لوحدها بلاش بقي نعترض من اولها يلا يا استاذ مروان مروان قرب مني وقالي: متقلقيش يا زينه انا تحت مش هتحرك لو عوزتيني نادي عليا ومش هتاخر عليكي يا حبيبتي عن اذنكم بقي مروان خرج وهي قالتلي: ها يا انسة زينه مش ناوية تقوليلي ليه مش عايزة تمشي انا عارفه ان كل دا باردتك انتي بس ياتري اي السبب بقي اتوترت وقولت: مين قال كدا يا دكتور هو في حد يحب يبقي عاجز انا نفسي اتحرك واقوم واتجوز حبيبي مروان بس مش قادرة رديت وقالت: انا عارفه كل دا والله بس انتي في سبب تاني انتي خايفه من حاجه تانيه بس ياتري اي هي هو انتي مخبيه حاجه صح في حاجه جواكي خايفه حد يعرفها وعشان كدا مستسلمه للوضع دا مش كدا حسيت انها كشفاني اوي وقولت: انا تعبت انا مش وحشه والله بس بعد موت امي الكل استضعفني وعشان كدا بقيت زينه اللي مفيش حاجه تقف قدامها وبقيت قوية اوي حته وانا جوايا بموت وبعدين جه مروان اللي عمره ما شافني من جوايا وحب ينتقم مني ودفع ديون ابويا واوهمني انها جوزني جده وكنت بتعامل معامله وحشه اوي لحد ما اض*بت بالنار انا طاقتي خلصت والله وتعبت سبوني لوحدي بقي وابعدوا عني انا مش عايزة حد فيكوا رديت وقالتلي: اهدي يا انسة زينه انا اسفه بس دا غلط عليكي لازم تهدي شوية وكله هيبقي كويس وانا معاكي اهو وهساعدك علي قد ما اقدر بس لازم تساعديني زعقت وقولت: اطلعي بره انا مش عايزة حد وبل عايزة مساعدتك اتفضلي اطلعي بره وسبيني لوحدي مش عايزة اشوف حد خالص بره بره خرجت الدكتورة بسرعه ومروان قا**ها وقال: خير يا دكتور في اي زينه كويسه مالك خايفه كدا ليه اي اللي حصل طمنيني الدكتورة رديت وقالت: استاذ مروان انسة زينه حالتها النفسية صعبة اوي ومحتاجه حضرتك جانبها جدة الفترة دي وبالنسبة للشل فهي ممكن تقوم منها بس محتاجه وقت لو حضرتك هتساعدني ممكن تقوم في اسرع وقت مروان استغراب وقال: انا معاكي في اي حاجه يا دكتورة المهم انها تبقي كويسه حته لو هدفع فلوس الدنيا كلها رديت وقالتله: تمام يا استاذ مروان يبقي تسمعني كويس اوي وتنفذ اللي هقوله بالظبط وان شاء الله هتبقي زي الاول واحسن رد وقالها: تمام اتفضلي انا سامعك...... ياتري اي هيحصل مع ايمان.... واي في دماغ رامز بالظبط..... وعزت اي غرضه من جوازة سوزي.... وياتري سوزي ناوية علي اي..... وفاروق هيتجوزها فعلا..... وخالد ومايا اي هيحصل بينهم.... وسليم اي حكايته مع مروان.... والدكتورة طلبت اي من مروان.... وياتري اي هيحصل مع زينه.... ومروان هيقدر ينفذ المطلوب ولا لا.... واي اللي جون قاله لشادية.... هنعرف الحلقات الجاية.... انتظرونا....

Free reading for new users

Scan code to download app

App Store Google Play

Facebookexpand_more