الفصل التاسع... ❤

2052 Words

ايمان اتصدمت وقالتله: انت عايز مني ليه بتعمل كدا جيب من الاخر انت مين اصلا واي غرضك من كل دا واشمعنا انا بصلها بشر وقال: عايزاك انتي عارفه يعني اي بقالي سنتين بجري وراكي وكل لما اتقدملك ترفضيني وقال اي عشان فرق السن انا مش هسيبك يا ايمان وهوريك ايام سودا رديت وقالت بصدمه: مستحيل هو انت اللي سعاد وجعت دماغي بيه هو الجواز بالعافية متروح تتجوز واحده في سنك زعق وقال: اخرسي بقي انا مش عايز اسمع صوتك ولو عايزة تعيشي كويس يبقي تسمعي الكلام وتقولي حاضر ونعم وبس انتي فاهمه ايمان فجاه استوعبت وقالت: ايوة يبقي هي اللي عرفتك اللي عملته وانت اللي هددتني كل دا لعبة عشان تجبرني عليك صح بس انت متعرفنيش دا انا اللي هسود عيشتك يا استاذ رامز انت متعرفش مين هي ايمان ضحك وقال: حلو اوي دا هو دا المطلوب لما نشوف يا قطه مين هيستحمل للاخر وانا عايزاك تعملي اللي تقدريه عليه وانا هتفرج جه يخرج قامت بسرعه وقالتله: انت سايبني ورايح فين انا ابويا لو رجع وملاقنيش هتحصل مشكله كبيرة انا لازم ارجع البيت بعد اذنك رامز وهو بيتجاهلها طلع ورقة وقلم وقالها: يلا زي الشاطرة كدا امضي علي الورق دا ومن غير ما اسمع نفسك او والله هتندمي يا ايمان بلاش تشوفي وشي التاني احسن ليكي ايمان خافت منه ومضت الورق راح ابتسم بخبث وقالها: دلوقتي انتي مراتي وطبيعي تعيشي معايا وابوكي مش هيقدر يتكلم وسعاد هتعرف تظبط الدنيا يلا انا هنزل المكتب تحت عندي شغل عايز اطلع اشوفك عروسة انتي فاهمه خرج رامز وايمان بقيت متعصبة اوي وقررت تعلمه درس وقفلت الباب بالمفتاح ورامز سمعها وضحك لانه كان متوقع كدا وسابها النهارده رجعت شادية البيت وهي دايخه وسكرانه وعزت اول ما شافها اتعصب وقالها: انتي اي اللي عملاه في نفسك دا انتي مش عايزة تنسي العيشه الزبالة بتاعت لندن متفوقي بقي كل حاجه بضيع من ايدينا شادية رديت وهي مش مركزه خالص وقالت: يا بابا بقي سبني انا مبسوطه ومش عايزة افوق سبني بقي ونتكلم بكره بقي ماشي عزت ض*بها بالقلم وقال: انا شكلي معرفتش اربيكي بغباءك دا انا هخسر كل حاجه انتي اي مبتحسيش مروان خلاص هيتجوز ويضيع منك يا حلوة لازم تشوفي حل شادية اتعصبت اول لان لاول مره عزت يمد ايده عليها وقالت: انت بتض*بني كل دا عشان خاطر الفلوس متولع الفلوس علي العيشه علي مروان علي كل حاجه انا تعبت تصبح علي خير شادية طلعت علي اوضتها وهي بتعيط ونامت من كتر الشرب وعزت دخل لسوزي وقالها: بقولك اي انتي لازم تتجوزي ابويا في اسرع وقت انتي فاهمه ولا لا سوزي استغربت طريقته وعصبيته وقالت: في اي يا عزت براحه شوية حصل اي لكل دا ما الخطة ماشية زي ما احنا متفقين مالك بس عزت رد وقال: كل حاجه بضيع وجواز مروان من الزبالة دي هيبوظ كل حاجه انتي لازم فاروق ميضعش من ايدك انتي فاهمه لازم كل حاجه تبقي ليا انا وبس سوزي رديت بدلع وقالت: طب يا حبيبي اهدي هنفذلك كل حاجه بس انت هدي اعصابك كدا عشان صحتك وكله هيكون ليك بس اي انت نستني خالص وشلتني من حساباتك عزت رد بضيق وقال: يوووه هي ناقصكي يا سوزي بقولك اي انا مش رايق ليكي دلوقتي والله معلش سبيني ومتقلقيش حقك محفوظ سوزي ابتسم بخبث وقالت: ماشي يا حبيبي براحتك المهم متقلقش انا هعمل شغلي ومش هقصر وفي اقل من اسبوع فاروق هيكون خاتك في صوباعي يا بيبي عزت ابتسم وسابها وطلع اوضته وسوزي ضحكت وقالت: فاكرني ع**طه يا عزت وهثق فيك دا انت بتتفق علي ابوك مش بعيد تاذيني انا كمان خليني معاك للاخر بس محدش هي**ب غيري انا وهتشوف تاني يوم صحيت ندي وهي في حضن محمود وم**وفة اوي وفضلت بصه ليه وقالت: انت شكلك حلو اوي وانت نايم مش مصدقة ان ربنا عوضني بواحد زايك بجد يا بختي بيك انا هعمل المستحيل عشان اسعدك يا محمود انت متعرفش مكانتك جوايا اي وراحت باست خده وهو فتح عينيه وقالها: وانا كمان بحبك يا ندي بس خايف صدقيني غصب عني انتي متعرفيش حاجه بس انا مبقتش اقدر استغني عنك وهعمل المستحيل عشانك يا حبيبتي وعمري ما هتخلي عنك ابدا ندي فرحت اوي بكلامه وقالتله: طب يلا يا حبيبي عشان نفطر سوي انا وانت وماما هقوم بس اخد دش الاول ماشي محمود باسها من خدها وهي قامت وراح هو متصل بمروان وقاله: صباح الخير يا عم الناس بقولك اي بقي انا هاخد اجازة كام يوم عشان تكون عارف بس مروان استغرب وقاله: دا ليه ان شاء الله اي الحكاية هي الجوازة عجبتك ولا اي يا معلم قولي متخبيش شكل ال*قدة انحلت محمود ضحك وقال: في اي يا عم انا لسه عريس جديد وبصراحه مش قادر اخبي حبي اكتر من كدا والبت تستاهل اتغير عشانها وربنا يستر بقي ضحك ورد وقاله: بركاتك يا ست ندي عقبالي بقي بجد اصلي خلاص جبت اخري وخلاص هي تقوم بالسلامه بس وبعدين هنعمل فرح علي طول اي رايك نعمل فرح سوي بدل ما البت مفرحتش كدا حرام محمود فكر شوية وقاله: تصدق فكرة حلوة اشطا انا هخليها مفاجاه ليها وبجد يا مروان مضيعش حبك زينه بنت كويسه مروان قاله: ماشي يا صحبي يلا روح لمراتك وانا هقوم اطمن عليها واشوف الدكتورة فين عشان نبداء العلاج بقي وربنا يسعدك يا صحبي قفل محمود ومروان قام نزل تحت عشان ياخد الاكل ويطلع يفطر معايا وهو نازل خبط في شادية وقالتله: هو صح اللي سمعته دا يا مروان انت هتتجوز زينه وهتسبني مروان رد وقالها: انا اسف يا شادية بس انا من زمان بحب زينه ومش هقدر احب غيرها وانتي زي اختي وان شاء الله ربنا هيرزقك بالاحسن رديت وقالت: بس انا مش عايزة غيرك انت ايوة انا مش بقالي كتير اعرفك بس انا شوفت فيك حاجات كتير حلوة وحبيتك يا مروان مروان رد بحزن وقالها: صدقيني دي اوهام يا شادية وانا موجود بس كاخوات مش اكتر لان قلبي مش هيقدر يشوف غير زينه وبس عن اذنك شادية اتعصبت ودخلت اوضتها واتصلت بجون وحكتله اللي حصل وقالتله: اعمل اي تاني انا عملت اللي اقدر عليه خلينا نمشي من هنا يا جون جون رد بسرعه وقال: لا يا حبيبتي اهدي بس وانا هقولك تعملي اي هو صعب شوية بس هو دا الحل الوحيد عشان نعيش مرتاحين سوي يا روح قلبي بقي اسمعي كلامي هت**بي شادية سكت وقالت: ماشي يا جون انا هبقي اعدي عليك وتبقي تقولي اي اللي في دماغك بالظبط يلا هقفل دلوقتي محمود راح لسهير وكانت ندي بتعمل الاكل واول ما دخل سهير حسيت بيه وقالت: اهلا بحبيبي حساك مبسوط خير احكيلي اي الحكاية محمود ضحك وقال: دا انا حته متكلمتش ازاي عرفتي اني مبسوط يعني انتي اي دايما قفشاني كدا يا سوسو الواحد ميعرفش يخبي عنك حاجه ضحكت وقالت: يا واد دا انت ابن بطني وحته مني ازاي محسش بيك يا روح قلب امك تعال بقي اقعد واحكيلي اي الحكاية محمود قعد جانبها وقالها: مفيش يا ست الكل بس قررت ادي نفسي فرصة تانية واعيش حياة طبيعية مع ندي وربنا يكرم ان شاء الله سهير فرحت وقالتله: اخيراً يا محمود الحمدالله ربنا يفرح قلبك دايما يا ابني ايوة كدا ادي قلبك فرصة انت تستاهل واللي حصل دا يا ابني كان غصب عنك هي مجرد حدثة محمود صوته اتغير وقال بحزن: بس هي ماتت بسببي يا امي وكمان ندي متعرفش حاجه عن اللي حصل وحاسس اني لازم احكيلها ندي دخلت وقالت: بس انا عرفت كل حاجه يا محمود وقا**ه اكمل حياتي معاك وراي نفس راي ماما انت ملكش ذنب يا حبيبي دا قضاء ربنا محمود ارتاح وقال: انا مش عارف من غيركوت كان ممكن يحصلي اي ربنا يخليكوا ليا يلا بقي يا ماما شدي حيلك هنعمل العملية خلاص وهترجعي تنوري حياتي من تاني سهير ابتسمت بحزن وقالت: ان شاء الله يا حبيبي يلا بقي انا جعانه انتوا مش ناويين تاكلوني ولا اي يا عيال انتوا مروان اخد صنية فيها اكل وطلع عندي فوق كنت صحيت وبحاول اخد كوباية المياة بس بسبب رجلي مش قادرة مروان دخل وشافني وبسرعه قرب وحط الصنيه علي الترابيزة وسندني ارفع جسمي وشربني وقالي: اي يا حبيبتي مش قولتلك لو احتاجتي حاجه قوليلي وانا هساعدك ليه مندهتيش عليا يا زينه انتي غاوية تعب بصتله بحزن وقولتله: هو اي اللي حصل امبارح يا مروان انت كويس في حاجه حصلتلك انا اسفه انت بتتحط في مشاكل بسببي سبني يا مروان وكمل حياتك وربنا هيرزقك بحد احسن مني مش واحده عاجزة زي مروان مسك ايدي وقالي: بس بقي اي الكلام دا يا زينه يا حبيبتي كله عدي علي خير وانا كويس وانتي كويسه واحنا سوي اهو وبكره تقومي بالسلامه انا مش عايز غيرك يا زينه عيطت من كتر ما انا صعبانه عليا نفسي واني مش قادرة اقوم واحضنه دلوقتي علي كلامه دا وقولتله: ربنا يقدرني واسعدك واخليك مش محتاج اي حاجه ابدا مروان ضحك وقالي: طب يلا بقي يا قطة الاكل دا عايزوا كله يخلص عشان الدكتورة زمانها جايه عايزين نخف بسرعه عشان فرحنا بصتله بصدمه وقولت: فرحنا هو انت هتعملي فرح يا مروان بجد طب ازاي والناس مش هينفع طبعا دا غلط مش لازم فرح فضل يضحك عليا وقال: بس يا هبله دا انتي هتبقي مرات دكتور مروان ومحدش يقدر يبصلك بصه وحشه انا عارف بعمل اي كويس يلا بقي سليم راح الشقة عند مايا واول ما دخل قالتله: في اي يا سليم انت قلقتني اي اللي حصل كدا يلا اتكلم علي طول انا خلاص مبقاش فيا اعصاب سليم بداء يتكلم وقالها: خالد بيضيع مني يا مايا ومبقتش عارف اعمل اي انتي لازم تتصرفي محدش غيرك هيرجعه ليا من تاني انا مليش غيره هو اللي باقي من اهلي اتصرفي مايا اتصدمت وقالت: وانا هعمل اي يعني ما انت عارف خالد كويس وبعدين كله بسبب ست زينه ما هي واكله عقله علي الاخر وياما حظرتوا رد وقالها: انا هقولك تعملي اي وصدقيني مش هنسالك جميلك دا وعلي فكرة انا عارف كويس انك بتحبي خالد وانا لو مش عارفك كويس مكنتش جتلك ها قولتي اي مايا اتوترت وقالت: يا سليم افهم خالد مش شايفني غير صحبة وبس مش اكتر ازاي هقرب منه وهساعدك وازاي هوصل لحبي كل دا حلم مستحيل يتحقق صدقني سليم رد وقالها: يا ستي ملكيش دعوة انا هتصرف المهم دلوقتي انك تيجي معايا وتعملي اللي هقولك عليه كله تمام وكويس ان اهلم مش هنا عشان انتي هتفضلي عندنا فترة مايا استغربت وقالت: انت ناوي علي اي بجد مش مطمنه ليك بس مش مهم انا مستعدة اعمل اي حاجه عشان خاطر خالد يلا بينا ايمان صحيت وحسيت انها جعانه وقررت تنزا تحت بسرعه واكيد رامز نايم دلوقتي فتحت الباب ونزلت دخلت المطبخ ملقتش اكل خالص بس فجاه سمعت صوت ضحك رامز فضلت تمشي براحه لحد ما شافته قاعد قدتم التلفزيون وبياكل اكل من بره مكنتش قادرة وراحت قالتله: هو انت مش بتحس مش في انسانه عايشه معاك ازاي البيت دا كله مفهوش اكل اي هو انت مقضيها من الشارع بصلها باستغراب وقالها: هو انتي فاكرة نفسك في اوتيل ولا اي يا هانم عايزة تاكلي اطبخي غير كدا موتي من الجوع انا مالي زعقت وقالت: علي فكره انا مراتك مش خدامه عندك وعيب اللي بتعمله دا وهات كدا بقي الاكل دا انا اللي هاكله مليش فيه راحت خدت الاكل وقعدت تاكل وهو بيحاول يكتم ضحكته وهو بيقول: الله يخربيتك دا انتي طلعتي مفجوعه دا انا اخاف علي نفسي منك ضحكت وقالت: اذ كان عجبك لو مش عجبك طلقني يا اخويا وكمان انت ازاي بقالك سنتين بتحبني ومتعرفش اني بحب الاكل جدا وبالذات الكريب والبيتزا اللي حضرتك كنت بتطفحهم لوحدك كدا من غير اي احساس بيا رامز اتعصب وقال: والله انا اعرف كل تفاصيل عنك ولو معرفش مكنت جبت اللي بتحبيه حضرتك واستنيت انك تفتحي الباب وعملت نفسي باكل لو ركزتي شوية هتلاقي الاكل زي ما هو اصلا ومن غير ميونيز زي ما بتحبي اياكي ثم اياكي تشككي في حبي يا ايمان انتي فاهمه ايمان حست انها زودتها شوية وقالت وهي بتحاول تلم الموضوع: طب بقولك اي انت جايب اكل كتير تعال كول معايا يمكن تفتح نفسي واهو احسن ما بطني توجعني يا عم انت رامز ضحك وقال: طب اتاخري كدا خليني اقعد وهاتي شوية بيبسي اي هتشربيه لوحدك دا انتي مدمنه هتخلفي ازاي انتي عضمك كله باظ بتاذي نفسك والله ضحكت وقالت: ما قولتلك مش عجبك طلقني وكمان انا جسمي دا فيه اي كورات دم حمراء وكورات دم بيضاء وبيبسي رامز مقدرش وفضل يضحك وقولها: يخربيتك فصلتيني انتي الافلام طيرت دماغك خالص عوض عليا عوض الصابرين يا رب بعد ما خلصنا اكل انا ومروان سمعنا صوت زعيق تحت استغربت وحسيت بخوف معرفش ليه ومروان قالي: ارتاحي يا حبيبتي هشوف في اي وهاجي علي طول متقلقيش واول ما نزل اتصدم...... ياتري اي غير ايمان فجاه كدا.... وليه رامز بقي يتعامل حلو ما بين يوم وليله.... ومين مايا دي.... وسليم هيخليها تعمل اي.... واي هيكون رد فعل خالد.... وليه سهير زعلانه من موضوع العملية اكيد في سر..... وياتري سعادة محمود وندي هدوم ولا لا.... وزينه هترجع كويسه ولا لا.... وشادية وجون ناوين علي اي.... وسوزي هتعمل اي مع فاروق واي هيكون رد فعله.... واي اللي صدم مروان لما نزل.... هنعرف الحلقات الجاية... انتظرونا....

Free reading for new users

Scan code to download app

App Store Google Play

Facebookexpand_more