الفصل السابع... 🌹

2022 Words

سعاد دخلت علي صوت ايمان وهي بتصوت وقالت: في اي يا بت انتي اتجننتي ولا اي بتصوتي كدا ليه اي اللي حصل رديت وهي مرعوبة وقالت: انا اتكشفت انا هروح في داهيه خلاص هو يعرفني منين اكيد مراقبني هو هيسلمني للبوليس انا هعفن في السجن لا لا مستحيل سعاد ض*بتها بالقلم عشان تفوق وقالت: اتهدي بقي وفهميني مين دا اللي كشفك وازاي وعايز اي مش وقت انهيار دلوقتي يا ست ايمان فوقي ايمان بصتلها بصدمه وقالت: معرفش هو بعتلي وقال عارف عني كل حاجه وبيهددني انه هيكشفني انا مش عارفه اعمل اي رديت عليها وقالت: اهدي بس اكيد هو مش هيستفيد حاجه من كدا تلاقيه عايز قرشين وخلاص انتي لازم تباني قوية عشان ميستغلكيش يا بت ايمان قالت: بس انا هجبله منين انا اخر فلوس معايا دفعتها للراجل اللي ض*ب زينه هعمل اي دلوقتي مش قادرة افكر هجبله منين انا سعاد ابتسمت بخبث ومكر وقالت: سهله وبسيطه انا عندي ليكي شغلانه هتاكلك الشهد بس انتي اسمعي كلامي وهنغير في شكلك شوية عشان لو حد شافك ميعرفكيش اي رايك ايمان استغرابت وقالت: شغلانه اي دي يا ست سعاد ان شاء الله وهنغير شكلي ازاي مش فاهمه انا وبعدين اي الحنيه اللي نزلت عليكي فجاه دي اكيد ليكي مصلحه ضحكت وقالت: اكيد طبعا ما انا لازم استفيد طبعا ويا ستي شوية تغيرات بسيطه متخفيش والشغلانه هتكون في ديسكو صدقيني هت**بي الدهب ايمان اتصدمت وقالت: انتي بتقولي اي اكيد اتجننتي عايزني اشتغل في ديسكو لا وانا بقولك عايزة اتجوز دكتور لا مستحيل تكوني عاقله رديت عليها بخبث وقالت: ما قولتلك محدش هيعرفك ولا انتي عايزة متعرفيش تدفع للي بيكلمك دا وتخسري كل حاجه خليكي معايا هت**بي والله يا حبيبتي وانا هكون معاكي ايمان فضلت محتارة وقالت: ماشي يا سعاد لما اشوف اخرتها معاكي بس لو حصلي حاجه وربنل ما هرحمك ابدا انا قولتلك اهو ضحكت وقالت: متقلقيش طول ما انتي معايا كل حاجه هتبقي كويسه يلا بقي نامي شوية عشان شغلك هيكون طول الليل يا حلوة فاروق لبس ونزل عشان يروح المستشفي لمروان وهو لسه خارج من الفيلا السواق خبط واحده وبسرعه نزل يشوفها وفاروق نزل وراه وقال: اي اللي عملته دا يا غ*ي هتودينا في داهيه انتي كويسه يا انسه سوزي رديت بخبث وقالت: رجلي اااه مش قادرة انت غ*ي مش تفتح اااه رجلي مش حاسه بيها حرام عليك يا شيخ اكيد ات**رت مش قادرة احركها خالص فاروق رد وقالها: انا حقيقي اسف السواق دا حمار تعالي اتفضلي الفيلا بتاعتي اهي ادخلي ارتاحي وهجبلك الدكتور وان شاء الله تبقي كويس السواق رد وقال: والله يا فاروق بيها هي اللي طلعت قدامي مره واحده ومشفتهاش انا بجد اسف لحضرتك جدا اتفضلي اتسندي عليا دخلت سوزي الفيلا والدكتور جه كشف عليها وقال انها لازم راحه تامه اسبوع ومتحركش رجلها كتير وكتبلها علاج ومشي فاروق قعد جانبها وقال: انا حقيقي اسف علي اللي حصل لو تحبي اوصلك لي اي مكان تحبيه وتكليف العلاج عليا طبعا بس لازم تسمعي كلام الدكتور وترتاحي رديت بحزن مصطنع وقالت: بس انا مش من هنا وكنت جايه عشان شغل واترفض ومش هعرف ارجع البلد بتاعتي دلوقتي مش عارفه اعمل اي فاروق رد وقالها: طب خلاص انتي ممكن تفضلي هنا لحد ما تبقي كويسه ولو علي الشغل انا ممكن اشوفلك شغل في الشركة بتاعتي لو تحبي يعني واهو ابقي ساعدتك بدل اللي حصلك بسببي دا سوزي ابتسمت بخبث وقالت: شكرا جدا لحضرتك بس ازاي هقعد هنا اكيد مراتك واولادك مش هيوافقوا وانا مش حابه اعملك مشاكل كتر خيرك يعني ابتسم وقال: لا يا ستي متقلقيش انا هعرف اتصرف وانتي ضيفة عندنا المهم هخليهم يجهزوا اوضة الضيوف وان شاء الله تبقي بخير قريب عزت نزل وابتسم بخبث وقال: اي دا مين دي يا بابا هو انت اتجوزت تاني ولا اي مش ناوي تراعي سنك كدا كتير عليك يا حج فاروق ضحك وقال: اتلم يا عزت دي ضيفة عندنا مينفعش كدا ياريت نعاملها كويس ومحدش يتعبها اد*ك شايف رجلها اي حصلها يلا انا هسيبك ترتاحي ورايح مشوار مشي فاروق وعزت ضحك وقال: لا شاطرة عشان كدا اختارتك انتي بس براحه علي الراجل هو مش قدك يا بت انتي المهم خالي بالك كويس تمام عشان مروان مش سهل رديت وقالت: مفيش حاجه تصعب علي سوزي يلا بقي وريني اوضتي خليني ارتاح واشوف هعمل اي مع الحج الغالي الكبير دا ضحك وقال: ربنا يسترها عليك يا حج يا غالي يا كبير يلا يا موزتي اوريكي اوضتك واقولك كلمه سر كدا هتعجبك اوي يلا بينا محمود راح الشركة خلص كل الورق اللي عليه وعرف من مروان انه مش هيجي وحس انه تعبان فقرر يمشي هو كمان بدام مفيش شغل مهم نزل ركب عربيته ورجع البيت دخل لاقي ندي في المطبخ بتعمل تكل ولابسه هوت شورت وبلوزة حمالات ومسيبه شعرها وبتغني دخل وقالها: انتي بتعملي اي واي الق*ف اللي انتي لابسه دا ادخلي البسي حاجه عدله ولمي شعرك يا ندي ندي اتخضت وقالت: اي يا عم في حد يخض حد كدا وكمان ماله لبسي ما هو حلو اهو وبراحتي علي فكرة انا في بيتي البس اللي يعجبني واعمل اللي عايزاه اي هتتحكم فيا رد وقال: انتي ناسية ان في راجل في البيت ولا انتي مش بتخافي علي نفسك اتنيلي البسي حاجه يا ندي احسن ليكي وليا انا جاي تعبان ومش ناقص خناق ولا عناد يلا اسمعي الكلام قربت منه وقالت: وهو فين الراجل دا البيت مفهوش راجل غريب لو عليك فانت جوزي لو نسيت وكمان مالك يا حبيبي اي اللي تعبك ومعكنن عليك كدا تعال معايا مسكته من ايده لبره المطبخ وهو بيقول: انتي بتعملي اي يا ندي سبيني انتي اي حصلك هو انا مش فهمتك كل حاجه امبارح سبيني بقي عايزه مني اي ابعدي عني ضحكت وقالت وهي بتتجاهل كلامه: اقعد هنا وبطل رغي بقي وانا مش هاكلك والله مش انت مصدع انا هعرف اتصرف وهتدعيلي اهدي شوية راحت ندي جابت زيت وقعدت تدلك راسه وهو كان مبسوط اوي بكدا ولما خلصت لفت ووقفت قدام وشه وقالت: اي مش بقيت احسن دلوقتي قولتلك انا ايدي فيها سحر اصلا يا ابني محمود محسش بنفسه غير وهو بيحضنها وبيقول: انتي لوحدك سحر اصلا يا ندي انا مش عارف طلعتيلي منين بس قومي احسن ليكي وغيري لبسك دا عشان انا كدا ممكن اتهور واعمل حاجه انا هموت واعملها ندي زقته وهي م**وفه وقالتله: علي فكرة انت قليل الادب اوي ولبسي مش هغيره ووريني هتعمل اي عن اذنك بقي في اكل بيتعمل ضحك وقال: انتي اللي هتجبيه لنفسك وافتكري اني حظرتك بقي انا مش هبقي مسؤال لو اي حاجه حصلت ليكي هطلع اطمن علي سهير بقي ندي ات**فت بس فرحت بحضنه اوي ومحمود راح لسهير وقالها: الحلوة اللي نسياني خالص اي هو عشان حبيبتك بقيت معاكي مبقاش ليا مكان ضحكت وقالت: اقدر برضو دا انت حبيبي يا واد قولي اي رجعك بدري النهارده اي مشتاق لحبيبتك ولا اي دا لسه اول يوم رد وقالها: اي اللي بتقوليه دا بس يا سهير انتي عارفه اني عملت كدا عشانك وبس فبلاش كلامك دا بقي انا رجعت عشان مرهق شوية ضحكت وقالت: يا واد بطل كدب دا انت ابن بطني حته لو مش شايفك انا حفظك وعارفك وبحس بيك يا حبيبي انسي وعيش بقي يا محمود كفايه تعذب نفسك رد وقالها: ياريتني اقدر يا امي بجد ياريتني بس مش قادر حته لو بحبها انا لازم احميها مني بي اي شكل بلاش تضغطي عليا ارجوكي بقي رديت بحزن وقالت: ربنا يهد*ك للصح يا ابني يارب بقولك اي صحيح انا قررت اعمل العملية خلاص ياريت تحدد معاد مع الدكتور بعد انك محمود فرح اوي وقال: بجد يا امي اخيرا حاضر اوعدك هنعملها في اسرع وقت بس اي غير رايك دا انا بقالي كتير بحاول معاكي اي اللي جد دلوقتي ولا دا تأثير حبيبتك ضحكت وقالت: بصراحه نفسي اشوف المجنونه اللي سرقت قلب ابني دي ويلا بقي سبني ارتاح شوية وروح ساعدها وعلي فكرة هي مكلتش من امبارح بسببك يا بيه محمود اضايق وطلع يشوفها..... مروان نزل يجيب قهوة وطلع كنت فوقت من المهداء ونايمه علي السرير بصه في السقف دخل وقالي: اخيرا الجميل صحي اي يا زينه مالك شوية تعب يعملوا فيكي كدا انتي المفروض اقوي من كل دا يلا قومي بقي وبلاش دلع مكنتش قادرة ارد ولا اتكلم بجد كل اللي شاغلني انا ليه بيحصل معايا كدا انا اتحملت كتير اوي ومبقتش قادرة استحمل اكتر من كدا قرب مني ومسك ايدي ولاول مره احس بدموع مروان واتكلم وقال: زينه ارجوكي انا مش قادر اشوفك كدا كفايه بقي قومي يلا انتي قدها صدقيني انا معاكي ومش هسيبك وفي حاجات كتيي لازم تعرفيها قومي بقي يا حبيبتي بصتله وقولت بتعب: حبيبتك جاي دلوقتي يا مروان بعد ما بقيت عاجزة تقولي حبيبتك بعد ما دمرت حياتي وجوزتني لجدك تقول حبيبتك فات الاوان خلاص يا مروان اتاخرت اوي بجد قبل ما مروان يرد دخل فاروق وقال: لا يا زينه يا بنتي مروان بيحبك وانتي بقي لازم تعرفي الحقيقه كامله وبتمتي تسامحيه زي ما هو سامحك وانتي عارفه كويس ان صعب الراجل يسامح في كرامته استغربت وقولت: حقيقه اي انا مش فاهمه حاجه حد فيكوا يتكلم انتوا مخبين عليا اي بالظبط متتكلم يا دكتور مروان فاروق كمل كلامه وقال: انا هفهمك يا بنتي كل حاجه انتي مش مراتي ولا حاجه كل دي كانت لعبة عشان تتعاقبي علي اللي عملتيه في مروان اتصدمت وقولت: ازاي يعني انا مش فاهمه طب والماذؤن والشهود وكتب الكاتب والفلوس اللي دفعتها لبابا كل دا كان لعبة رد وقال: يا بنتي كلهم كانوا مزيفين والفلوس ادفعت فعلا لابوكي مروان مقدرش يشوف حياتك بتدمر وعشان كدا ساعدوا صدقيني مروان بيحبك وميقدرش يعيش من غيرك ادي نفسكوا فرصة تانية كفايه عذاب بقي بصيت لمروان وقولتله: حته لو كل دا صح انا مش هقدر اقابلك يا مروان حته لو بحبك انا دلوقتي عاجزة هتعيش معايا ازاي يا دكتور انا هبقي حمل تقيل اوي عليك مروان مسك ايدي وقالي: دي حالة مؤقتة يا زينه انتي هتبقي كويسه صدقيني هنروح لاحسن دكتور وحالتك هترجع احسن من الاول انا مش هسيبك لو اي حصل انتي فاهمه فاروق اتكلم وقال: كفايه بقي يلا عشان نخرج من المستشفي دي عشان نبداء تجهيزات الفرح ولوقتها تكوني اتعالجتي يا حبيبتي واه غير مسموح تبقوا لوحدكم مفهوم مروان قال: حاضر يا جدي اللي تؤامر بيه بس زينه هتفضل معانا في الفيلا انا مش هقدر اسمحلها تبعد عني خطوة واحده وانا كلمت دكتورة معرفة هتيجي تتابع حالتها من البيت ابتسمت وقولت: شكرا بجد يا مروان بس خليك عارف انا لسه مش مسامحك علي عملتك دي وصحيح هتعمل اي مع شادية فاروق رد وقال: متقلقيش انا هعرف اتصرف سبوها عليا ويلا اجهزوا عقبال ما ادفع حساب المستشفي واجي مروان قرب وباس راسي وقال: نورتي حياتي يا كل حياتي اوعدك من دلوقتي يا زينه حياتنا مش هيكون فيها غير الفرح وبس ومش هزعلك ابظا وهعمل المستحيل عشان اشوف ضحكتك وهعوضك عن كل اللي فات يا حبيبتي مسكت ايده وقولتله: ربنا ما يحرمني منك يا حبيبي ويقدرني واكون زوجه صالحه ليك ممكن بقي تروح تساعد جدو لحد ما الممرضة تساعدني البس نزل مروان لفاروق والممرضة دخلت تساعدني.... خالد عرف اللي حصل وراح لسليم وض*به وقال: انت ليه عملت كدا قولتلك زينه كل حياتي ليه م**م تدمرها انت مستحيل تكون بتحبني رد سليم وهو مصدوم وقال: في اي يا خالد انا مش فاهم حاجه انا مقربتش من زينه انا مستحيل افكر اعمل حاجه تزعلك انت ابني قيل ما تكون اخويا يا خالد اهدي خالد زعق وقال: انت كداب محدش غيرك عمل فيها كدا اكيد ليه يا سليم انا بحبها لو كان حصلها حاجه كنت هموت فيها والله انت ليه مش بتفكر فيا زينه دي النفس اللي بتنفسه سليم رد وقال: صدقني مقربتش منها اهدي بس كدا خلينا نتكلم وفهمني اي اللي حصل وانا هتصرف والله بس متعملش في نفسك كدت رد وقاله: لا شكرا كفايه اللي عملته لحد دلوقتي انا عارف كويس هعمل اي ياريت متدخلش خالص تمام اهتم بنفسك وشغلك وبس مشي خالد وهو ناوي علي مصيبه وسليم مبقاش عارف يعمل اي.... ايمان لبست وجهزت عشان تنزل الشغل بتاعها غيرت لون عيونها وشعرها ولبست لبس عريان خالص ووصلت الديسكوا دخلت والراجل قالها: اهلا بالوجه الجديد نورتي المكان يلا استعدي عشان في شخصيه مهمه جايه دلوقتي وهي بتحب البنات الصغيرة ايمان اتوترت وقالت: حاضر بس انا المفروض اعمل اي انا مش فاهمه حاجه ودي اول مره ليا هنا هو انا اي شغلي بالظبط رد وقالها: شغلك تدلعي الزبون وتخليه يشرب كتير ويدفع دم قلبه هنا عشان المكان ي**ب وليكي عمولتك طبعا يلا وريني شطارتك بقي بداءت ايمان تستلم الشغل وهي خايفه وق*فانه من نفسها اوي..... مروان خلص الحساب مع فاروق وطلع عشان ياخدني بس لما دخل انصدم... ياتري اي هيحصل مع ايمان.... وخالد ناوي علي اي.... وسليم هيعمل اي مع اخوه.... وسوزي عايزة اي من فاروق.... وعزت اي خطته.... وشادية هتعمل اي مع جون ومروان.... واي رد فعل الكل لما يعرف بجواز مروان وزينه.... واي اللي مروان شافه وصدمه... هنعرف الحلقات الجاية.... انتظرونا.....

Free reading for new users

Scan code to download app

App Store Google Play

Facebookexpand_more