DRSW#16
MAAGANG nagising si Ysabella kinabukasan. Tila namamahay siya pero alam niyang hindi siya nakatulog ng maayos dahil sa magdamag niyang iniisip ang mangyayari pagdating nila ng mga anak niya sa Maynila.
"Ate Bella," napatingin siya kay Jenny na natigil sa paghihimay sa mga gulay na kanyang lulutuin at nakatingin na sa kanya. "Okay lang po ba kayo?"
Napakurap-kurap siya. Kanina pa pala siya nakatulala hapang hawak-hawak ang ispatula.
"Uh, oo." Aniya at bumalik na sa kanyang ginagawa. Nakakunot naman ang noo nitong tumango. Mukhang hindi yata kumbinsido sa naging sagot niya pero pinili na lang nitong maniwala.
"Good morning, people." Napalingon siya nang marinig nila ang masaya at masiglang boses ni Andrea.
"Good morning too, Addie," sagot naman kaagad ni Jenny.
Nakita nama
