Ilang oras na biyahe rin mula sa Cubao Bus Station patungo sa Sta. Cruz ang ginuguol nina Aiah at Nina. Magmula roon ay sumakay naman sila ni Nina ng jeep na naghahatid sa kanila sa town plaza ng bayan ng Luisiana. Tunog Amerika ang bayang kinalakhan ni Nina pero malayo ito sa marangyang estado ng bansa.
Inilinga niya ang paningin sa paligid. So provincial, malayo sa chaos, mainit at mausok na lungsod. Papunta rito ay pawang berdeng paligid ang naraanan nila.
“Little Baguio po kami kung ituring, Ate,” ani Nina nang nasa nakaupo na sila sa plaza at hinihintay ang namamasadang ama nito na siyang susundo sa kanila.
Hindi nga maitatwa ang lamig ng klima dahil sa mataas nitong elevation. Ang jacket niya ay ‘di na talaga nawalay sa katawan niya. Kanina pa nila hinihintay ang Tatay ni Nina pe
