Umalingawngaw ang matutunog na halakhak nina Nina at ng mga kapatid nito sa likurang bahagi ng sasakyan ni Jacob. Nang makaalis ang mga bisita nina Mang Efren at Aling Evelyn ay nagyaya si Jacob na maglibot-libot sila. Ang mga naiwang kalat ay ipinagbilin na lang muna kina Aling Pacita.
“Pasensya na ho kayo sa mga anak namin, Sir Jacob. Masyadong makukulit,” hinging paumanhin ni Mang Efren na kay Jacob nakatingin. Katabi nito sa backseat si Ate Evelyn.
“Walang anuman ho, Manong.”
Kasalukuyang kinakabig ni Jacob ang steering wheel paliko sa main road. Sa plaza ang destinasyon nila. Magju-joyride lang naman sila. Nais lang daw nitong libutin ang buong bayan.
“Saan ho ba ang pinakamalaking pamilihan dito sa inyo, Manong?”
“May bibilhin kayo, Sir?” tanong ni Aling Eve.
"May titingnan la
