Isang high-end bar ang pinagdalhan ni Jacob sa kanya. Nasa panulukan iyon ng BGC. JB, in glittering silver, ang tanging signage na makikitang nakapaskin sa itaas na bahagi ng establisyemento. Sa labas ng naturang bar ay may mga nakahanay na mga parokyano na isa-isang sinasala ng dalawang matatangkad at matitipunong bouncers sa gawing entrada. She began to become uneasy. Ayaw niya talagang pumapasok sa ganitong mga lugar. Kailanman hindi siya napipilit ni Sabrina.
"Ang Manang mo talaga." Madalas nitong ikutya sa kanya noon. Nami-miss na naman niya si Sab, inaamin niya.
"Relax, hindi tayo magtatagal dito. I just have to check on something." Kasalukuyan nang ipina-park ng valet ang sasakyan ni Jacob. Naririto na rin lang, sasakyan na lang niya ang kagustuhan nito. Naglakad siya patungo sa l
