Masigla ang buong kabahayan. Alas kwatro pa lang ng madaling araw kanina ay gising na ang lahat ng tao. Ang buong mag-anak na Guadalupe ay kanya-kanya nang toka ng mga gawain magmula kay Mang Efren hanggang sa bunsong si Jasper.
Nang tangkain niyang bumangon ay maagap siyang pinigilan ni Ate Eve. Matulog daw muna siya. Sinubukan niya nga pero parang tinatawag siya ng ingay at mga kaluskos na naririnig mula sa labas ng silid. Nagdesisyon siyang bumangon na nga nang malapit nang pumatak sa alas sais ang orasan. Parang dinaluyong na rin siya ng hiya kahit pa nga panauhin siya.
Nasa kusina sina Ate Eve at Nina, abala sa paghahanda ng agahan. Si Mang Efen ay kasalukuyang nasa ibaba at tinatasa ang itak na gagamitin raw nito sa pagkakatay ng alagang baboy, samantalang si Jasper ay nakatoka s
