Dear Grim Reaper

Day 1

September 1, 2029

Dear Junie,

I consider you as my number one crush.

Alam mo bang gustong-gusto kitang inaasar, kinukulit at minumura ka noong grade four pa tayo. Alam kong masamang magmura pero bilang bata, hindi ko mapigilan. Gustong-gusto ko pag nangiti ka, naiinis at nagagalit ka sa akin.

Nakaka-miss iyung braso mong lalaking-lalaki at ngiti mong nakakahawa. Ikaw iyung lalaking ang tama lang ang tangkad, moreno at simple.

Noong magkita tayo nong moving up ceremony, labis akong nagulat non kasi mas matangkad kana sa akin at sobrang gwapo mo pa non. Nasa akin pa nga iyung litrato natin non.

Nakakalungkot lang na wala kana at hindi mo na mababasa itong sulat ko para sa iyo.

Gusto ko lang sabihin sa iyo na gusto sana kitang mapangasawa. Alam kong kahibangan iyon pero sa iyo ko nakikita ang future ko, iyung pinapangarap kong masayang pamilya. Pakiramdam ko rin kasi ay magkakasundo tayo at maiintindihan mo ang isang gaya ko.

Iyan talaga ang dahilan kung bakit ako nag-message sa iyo pero huli na ako kasi wala kana. Ikaw rin ang dahilan kung bakit ako nakakapagsulat ng magagandang storya. Sayang talaga at hindi mo na nga iyon mababasa, hindi mo na ring mababasa itong sulat ko para sa iyo.

Siguro papakiusapan ko na lang si mommy na kung puwede ay ibigay itong sulat ko para sa iyo sa nanay mo at kung papayag siya ay ilibing ito sa tabi mo ng puntod mo.

I like you, Junie. Malapit na tayong magkita, wait ka lang.

Nagmamahal,

Venice Marcia