PRESENT
NARINIG ni Malicia na may nagbubukas na sa pintuan kaya agad siyang napatayo. Pumasok ang dalawang babae na nakasuot ng umiporme ng mga katulong. Binuksan ng isang babae ang switch ng ilaw na nasa tabi lamang ng pintuan. Dahil sa pagpa-panic kanina ni Malicia, hindi man lang niya naisip na hanapin ang switch doon.
May dala ang dalawang katulong na pagkain, karton, at napakanipis na kumot na may butas-butas pa.
“Si Gabriel? Nasaan si Gabriel?!” Sinubukan niyang hawakan ang isang babae ngunit kaagad itong umiwas na tila nandidiri sa kanya.
Sumunod na pumasok ang dalawang lalaki na may dalang mga baril at agad iyong itinutok sa kanya.
Pagak na tumawa si Malicia. Sa sitwasyon niya ngayon, Gabriel was still treating her like a highly dangerous criminal. At talagang dalawang mal
