BUONG akala ni Malicia ay magiging madali ang buhay niya sa labas ng isla ngunit tila naging isang napakalaking bangungot niyon.
Sa mga sumunod na araw, walang siyang ibang ginawa kundi bantayan ang kalagayan ni Tikboy. Ito lamang ang kakilala niya rito sa siyudad. Bagama’t hindi siya naging malapit sa matandang sidekick ng kanyang Daddy Julio, ito na ang pinakamalapit na maituturing niyang pamilya ngayon.
Napanood nila sa news ang tungkol sa pag-raid sa isla. Halos ito ang palaging laman ng mga balita. Wala raw naiwan na buhay doon sa isla maliban na lamang sa mga bihag na natagpuan sa underground prison.
Napatayo si Malicia nang makita niya ang isang leaked footage galing sa engkwentro. Nahagip ng bodycam na suot ng isang pulis ang dalawang katawan na nakahandusay sa lupa. Isang ba
