BAGO sila sumakay ng van ay inalis ni Gabriel ang metal collar ni Malicia dahil makukuryente siya kapag lumabas siya ng property ng mga Villareal na suot iyon.
Pumunta silang lima sa simbahan upang makinig ng misa. Ito ang pinaka-unang pagkakataon na nakapasok ng simbahan si Malicia.
Napapatingin ang lahat ng mga tao sa kanila at ang iba ay bumabati pa sa gobernador na agad naman nitong ginagantihan ng ngiti.
“Gov, condolence sa inyo.”
“Gov, napaiyak talaga kami ng asawa ko no’ng nalaman namin ang tungkol kay Ma’am Jackie.”
“Gov, sobrang bait po ng anak ninyo. Tinulungan n’yo kami noon ng anak ko. Sana magdusa sa impyerno ang gumawa no’n sa kanya.”
Napaiwas ng tingin si Malicia.
Totoo nga na kilalang-kilala si Jackie dito sa lugar nila bilang isang napakabait na tao. Hindi ni
