WALANG magawa buong araw si Malicia sa loob ng kulungan ng mga aso kaya nilinis na rin niya iyon. Kung may maganda mang nangyari sa pagkakakulong niya doon, iyon ay wala nang mag-uutos sa kanya.
Isa pa ay de-aircon ang kulungan ng mga ito. Mayroon pang sariling CR kung saan pinapaliguan sina Shadow at Ghost. Hinatiran din siya ng pagkain nang magtanghalian na.
Bonus na rin na may nakakausap siya kahit hindi naman sumasagot ang mga ito sa kanya.
Gusto niya lang matawa. Para na rin talaga siyang aso sa mansion na iyon dahil may suot din siyang collar sa leeg. Ang kaibahan nga lang, kinagigiliwan sina Shadow at Ghost ng mga tao sa mansion. Samantalang siya…
Bumuntong-hininga si Malicia.
May dumating na guard sa labas ng dog house.
“Lumabas ka. May gustong kumausap sa ‘yo.”
Nagsalu
