GABI na ay naglilinis pa rin si Malicia. Kung anu-anong binibigay sa kanya na gawain buong araw at pagod na siya dahil hindi naman siya sanay sa mga gawaing bahay.
“O, bakit nakatulala ka na diyan?!” nakapameywang na tanong ni Iska nang madatnan siya nito na nakaupo sa gilid ng basketball court. “Hindi ba’t pinapakuskos ko sa ‘yo ang buong court na ito?”
“Anong oras na. Gutom na ako,” reklamo niya. “Lahat kayo nagpapahinga na at nakakain na. Pagpahingahin n’yo naman ako!”
“Aba, aba! May gana ka pa talagang magreklamo!” Dinampot nito ang brush na may mahabang handle at akmang ipapalo iyon kay Malicia. “Hoy, babae! Hindi ba’t sinabi ko na sa ‘yo na wala kang karapatang magreklamo sa pamamahay na ‘to? Susundin mo ang lahat ng sinabi ko dahil kung hindi, hindi ka rin makakakain!”
Napata
