SA BAWAT pagdaan ng mga araw, magkahalong nerbyos at excitement ang nararamdaman ni Malicia. Nakausap na niya si Rose at ang boyfriend nitong si Jun. Kakabili lamang raw ng supplies noong isang linggo kaya sa madaling araw ng 30th day of the month pa raw ulit aalis ang barko na bibili ng lahat ng mga kakailanganing gamit at pagkain sa isla.
Sa katapusan din ang balik ng kanyang Daddy Julio, ngunit hapon pa ang dating nito. Kaya kailangan talaga nilang pagplanuhang mabuti. Hindi sila puwedeng magkaaberya dahil kung hindi ay sa susunod na buwan pa uli sila magkakaroon ng oportunidad na makaalis. At alam ni Malicia na hindi na makaka-survive ng ganoon katagal si Gabriel.
May isa pang kabayarang hiningi si Jun. Gusto nitong sumama ito at si Rose sa pagtakas. Gusto ng mga itong magkaroon ng
