“WHAT’S your name?” tanong ni Malicia sa mababang boses habang nakaupo siya sa malambot na leather chair at hawak ang isang tasa ng black tea.
Gulat na nag-angat ng tingin ang katulong na pinatawag niya dito sa library. Halatang hindi nito inasahan ang tanong niya dahil alam ng lahat ng mga tauhan dito sa isla na wala siyang pakialam sa pangalan ng mga ito. Hindi rin siya mahilig makipag-usap sa mga katulong maliban na lamang kung may ipag-uutos siya. Iniisip tuloy ng pobreng babae na may kasalanan itong nagawa kaya biglang nangatog ang mga tuhod nito.
“R-Rose po, Senyorita,” nauutal nitong sagot.
Humigop si Malicia ng tea habang pinag-aaralan ang babaeng nasa harapan niya.
Walang ibang tao dito sa loob ng library kundi sila lamang dalawa. Kaaalis lang din ng kanyang Daddy Julio ng
