HABANG nagbibihis si Malicia sa loob ng banyo ng staff house, rinig na rinig niya ang pag-uusap ng mga katulong na nakatambay sa sala dahil break time ng mga ito.
“Grabe, nakakatakot na may kasama tayong ganyan dito sa mansion.”
“Correct! Dati ang peaceful dito sa atin. Ngayon sobrang dami nang guwardiya. Ayan, o. Kahit dito sa labas ng staff house natin, may nakabantay!”
Bumuntong-hininga ang isa. “Nakakaawa nga si Sir Gab. Wala namang kalaban dati ‘yan. Kahit maglakad pa ‘yan ng hating-gabi dito sa Rocablanca noon, okay lang. Walang gagalaw sa kanya. Pero ngayon grabeng trauma ang inabot dahil sa mga demonyong sindikato na ‘yon!”
“Jusko! Kung ako kay Sir, ipakulong ko na lang ‘yang babaeng ‘yan. Napaka-delikado!”
“Sira! Hindi mo ba narinig? Buntis nga raw. Kaya hindi niya mapaal
