SI ALTHEA ay nakayupyop pa rin sa mesa niya at patuloy sa marahang paghikbi. Okupado ang kanyang isip sa nakita niyang kamukha ni Dimmitry may isang linggo na ang nakararaan sa coffee shop. Sa isip ay bakit ba ngayon lang niya nagawang aminin sa sarili na importante din ito sa kanya? Inalok siya nito noon ng kasal pero binalewala niya. Ngayon ay heto siya at walang magawa kung hindi umiyak habang hinahanap-hanap ng kanyang presensiya ang binata. She missed him so much. Kung maibabalik lang sana niya ang oras, sana ay tinanggap na lang niya ang alok nito.
Sa likod ay hindi niya namalayan ang paglapit ni Dominique. Nang tumikhim ito ay kaagad ang pag-angat ng ulo niya. At kung hindi niya natakpan ang bibig ay baka napasigaw siya sa gulat.
"Hindi kita intensiyong gulatin," pormal na wika
