KUMAKABOG ang dibdib niya habang sinusundan ng tingin ang nakatalikod na lalaki. Kahit sandaling panahon lang silang nagkasama noon ni Dimmitry sa islang walang ibang tao kung hindi sila, kilala niya ang katawan ng lalaki kahit nakatalikod ito.
"Who's that? Kilala mo?" Narinig niyang tanong ng kaharap niyang si Zander kaya napabaling ang mga mata niya rito.
"I-I think so," sabi niya saka muling nag-angat ng tingin para lingunin ang lalaki, pero wala na ito sa harapan niya. Iginala niya ang mata sa kabuuan ng coffee shop pero bigo siyang makita itong muli.
"Ex mo siguro 'no?" sagad ang ngiting dagdag pa nito. Aywan kung tama ang kutob niya pero may hinala siyang hindi tunay na lalaki si Zander.
"H-hindi. P-parang kilala ko lang." Naupo siyang muli at itinuloy ang pagkain.
"Alam mo,
