SA PAGLIPAS ng oras ay hindi nakuhang mainip ni Althea. Inabala niya ang sarili sa pagtingin-tingin sa paligid. Nalilibang siya sa pagmamasid sa mga empleyadong natatanaw sa labas ng kwartong kinaroroonan. At sa isang kisap-mata lang, nagawa na niyang mag-imagine na isa siya sa mga aplikanteng iyon.
"Hi!" Napapitlag pa siya ng bahagya nang makarinig ng boses lalaki sa kanyang tabi. At nang lingunin niya iyon, isang gwapong lalaki ang nakatunghay sa kanya. Base sa envelope at ayos nito ay nahinuha niyang mag-a-apply ding kagaya niya.
"H-hello," alanganin kung ngingiti niyang sabi.
"Ahm, can I join you here, Miss? Applicant ka rin ba?" Mukhang mabait naman ang lalaki kaya tumango na lamang siya kasabay ng isang pagngiti.
"O-oo. Nag-a-apply din ako," tipid niyang sabi.
"Sana makapas
