"HIJA, are you sure about this? Look, first time mo diyan sa Manila, well, I mean diyan sa lugar na 'yan. Gusto kang bilhan ng Papa mo ng kotse pero useless din dahil hindi ka pa naman marunong mag-drive. Hindi ba parang masyadong hassle kung mag-a-apply ka ng trabaho na nag-co-commute?" Sobrang pag-aalala ang maririnig sa boses ng kanyang Mama sa kabilang linya. Alas siyete pa lamang ng umaga nang tawagan siya nito. Isang araw pa lamang siyang malayo ay nag-aalala na kaagad sa kanya, kaya naman hindi na naman niya napigilan ang maging emosyonal. Nag-alis siya ng bara sa lalamunan bago tugunin ang ina.
"Ma, I am still in the process. Lahat naman po ay nag-uumpisa talaga sa simula, hindi ba? Huwag na ho kayong mag-alala dahil kakayanin ko po ito, 'Ma. Sa dami ng panahong nasayang sa akin
