ISA'T kalahating buwan silang namalagi sa New York. Thirty days kasi ang session niya kay Dra. Steeve. At sa loob nang mga panahong naroon siya, iyon na yata ang pinakamasasayang araw ng kanyang buhay. Nagagawa niya ang gusto niyang gawin. Napupuntahan ang mga gusto niyang puntahan nang hindi na siya nangingimi, o natatakot na baka siya manginig at bigla na lang manlamig kapag nakakita ng ibang tao. Gayunpaman, hindi pa rin maiwasang makaramdam siya ng kahungkagan. May hinahanap ang kanyang puso na bagaman alam niya kung ano, ay alam din niya sa sariling imposible ng masumpungan pa niya.
"Malalim na naman ang iniisip mo, hija. Lately, palagi kitang nakikitang nakatulala, hindi lang ako kumikibo. Do you still think of him?" Muntik na siyang mapapitlag nang marinig ang tinig ng ina. Kasalu
