"PAPA, I'm sorry. Pero nabigla lang talaga ako nang dumating kami buhat sa Isla. Hindi ko kasi talaga akalain na set-up lang ang pag-landing namin doon. To the point na hindi mawala sa isip ko na baka nag-aalala na kayo dahil sa paghahanap sa amin. Iyon naman pala, set up lang ang lahat," sabi niya habang nanginginig. Oo nga at galit siya kay Dim pero hindi niya kayang mahatulan ito lalo pa at totoo naman na hindi siya pinagsamantalahan ng binata. Na lahat ng nangyari sa kanila sa Isla ay pareho nilang ginusto at hindi siya nito pinilit.
"Pero—"
"Hindi niya ako ni-r**e, Papa. Totoong may nangyari sa amin, pero…pero g-ginusto ko rin ho iyon," pag-amin niya sa ama. Alam niyang magagalit ito lalo sa sinabi niya pero wala na siyang choice. Kailangang sabihin niya rito ang totoo kung hindi a
