"I ADMIT, uncle, alam ko ang balak niya," pag-amin ni Jaz sa Papa niya nang magkaharap-harap silang lahat. Naroon din si Cris na gaya ni Jaz ay alam din daw ang ginawang palabas ni Dimmitry.
"Damn you! Both of you! How could you do such foolishness? Pinsan n'yo si Althea. Dapat ay kayo ang unang-unang nagmamalasakit sa kanya!" Galit na galit ang Papa niya nang sabay na harapin ang mga pamangkin. Litaw ang lahat ng litid nito sa leeg at naggagalawan ang mga ugat nito sa sentido. Siguro, kung nakakamatay lang ang pagtingin ng masama ay baka kanina pa bumulaga ang dalawa niyang pinsan, dahil sa matatalim na tinging ipinupukol dito ng kanyang Papa.
"We do! Pero kung alam kong masamang tao si Dim, hinding-hindi ko siya ipagkakatiwala rito. Alam kong sa simula pa lang, talagang mahal na ni D
