DAIG pa ni Althea ang nasa ere pagkatapos ay biglang binitiwan para malaglag sa ibaba. Para siyang isang aktibong atleta na sa gitna ng karera ay bigla na lang napilayan. Sobrang sakit ng kanyang nararamdaman. Kanina pa naninikip ang kanyang dibdib dahil sa nalaman. Hindi niya akalain na kayang humabi ng ganitong istorya ni Dimmitry.
"Althea, hindi kagaya ng iniisip mo ang—"
"Wala akong pakialam sa anumang paliwanag mo. Paaandarin mo ba ang chopper, o…" nakikipagsukatan ang titig niya rito. Walang nagawa ang binata kung hindi humugot ng malalim na hininga.
"Okay, okay. Ibabalik na kita sa Isla Del Fuego, kung gusto mo ay sa Maynila. Pero pwede ba na makinig ka muna sa paliwanag ko?" Napansin niyang parang maiiyak na rin ito habang sinasabi ang mga katagang iyon pero wala siyang pakial
