"A-ANO'NG sabi mo?" gulat na gulat siya sa sinabi ni Dim. Umalis siya sa pagkakasandal sa dibdib nito at tinitigan niya ito sa mga mata. Oo nga at maraming beses ng may nangyari sa kanila. Oo nga at masaya sila kapag kasama ang isa't isa, pero akala niya ay hanggang doon lang 'yon para sa binata. Hindi niya inaasahan na may mas malalim palang dahilan ang lahat para rito. Masuyong hinaplos nito ng palad ang kaliwang pisngi niya, saka iniipit sa magkabila niyang tainga ang mga hibla ng kanyang mahabang buhok na malayang tinatangay ng hangin.
"Mahal kita, Althea. Hindi lang dahil nakasama kita rito sa isla at nahulog ang loob ko sa 'yo kung hindi matagal na. Matagal na kitang mahal, Althea."
"Dim..."
"Matagal na kitang gustong lapitan. Matagal ko ng gustong aminin sa 'yo ang nararamdaman
