PAUWI sa condo unit niya ay si Dimmitry na ang naghatid sa kanya gamit ang kotse nito. Matagal ng nakahinto sa parking lot ang kotse pero hindi pa rin nila magawang maghiwalay. Pareho silang tahimik at parang nagpapakiramdaman. Pero isa lang ang alam niya, ayaw pa niya na magkahiwalay sila.
"Althea…"
"Dim…"
"Wala ka bang gustong sabihin sa akin?" tanong ng binata na nilinga siya ng bahagya. Ilang segundo pa ang dumaan bago niya nagawang salubungin ang mga mata nito.
"I'm working with your twin brother, Dim," pagtatapat niya sa binata. Gusto sana niyang idugtong ang proposal ng kapatid nito pero parang may pumipigil sa kanya. "Umalis ako ng Del Fuego para subukang maging independent dito sa Maynila. Gusto ko na ring patunayan sa sarili ko na kaya kong mamuhay mag-isa." Tipid na ngumit
