ARAW ng Sabado ngayon kaya alas otso na ay hindi pa rin bumabangon ng kama si Althea. Sinasamantala niya ang pagkakataong mahiga dahil kapag may pasok ay napakaaga niyang gumigising. Pinanindigan niyang huwag kumuha ng maid. Mahirap dahil nag-a-adjust pa naman siya pero alam naman niyang masasanay din siya kalaunan. Pero maya-maya lang ay napabalikwas siya ng bangon dahil sa pagtunog ng kanyang cellphone na naibaba na lang pala niya kagabi sa ibabaw ng vanity mirror. Bumangon siya para kuhanin iyon.
"Hello, Jaz, kumusta? Nasa Manila ka?" bungad niya kaagad dahil kabisado niya ang mga pinsan na siya kaagad ang tatawagan kapag narito ang mga ito sa siyudad.
"Yes, Ate. So, ano, kita-kits mamaya?" Na-excite siya bigla. Kanina ay inaantok pa siya pero biglang nawala nang makausap ito.
"Te
