"ALTHEA, please come here to my office now," mula sa intercom ay utos ni Dominique sa kanya. Pangalawang araw niya ngayon sa Zobel-Tan Industries bilang pormal na secretary nito. At sa unang araw na nagdaan, malimit siyang tawagin nito sa opisina, bagay na ikinatataas ng kilay ng ilan niyang kasamahan.
"Saan ka pupunta?" tanong ni Lovi nang makitang nagmamadali siyang tumayo sa swivel chair. Katabi lang niya ang cubicle ng kaibigan na nadaraanan niya sa tuwing papasok siya sa mismonh office ni Dominique.
"Ipinatatawag ako sa loob," maikling sabi niya. At Kitang-kita na naman niya sa gilid ng kanyang mata na sabay-sabay nagkatinginan ang ilan pang empleyadong naroon na nakasundo na rin niya.
"Maya't maya kang pinatatawag, ah. Dati namam allergic si sir na may ibang nakakapasok sa offi
