"NO wonder na mahal na mahal mo si Dimmitry, anak." Bahagya siyang nagulat sa tinig ng ina na hindi niya namalayang nakalapit na pala. Kasalukuyan siyang nagtitimpla ng kape para sa lahat nang mula sa sala ay sundan siya nito sa kusina. Silang dalawa na lamang ang naroon dahil abala ang lahat sa pagkukwentuhan sa loob.
"Mama, ang Papa ho?" tanong niya sa ina dahil ang buong akala niya kanina ay kakausapin siya ng sarilinan ng ama.
"Nandoon, kausap pa rin hanggang ngayon ang boyfriend mo," anito na himig nanunudyo. Napakagat-labi tuloy siya. Bigla na naman siyang kinabahan na hindi niya maintindihan. Napaisip siya kung ano pa kaya ang pinag-uusapan ng dalawa.
Isa-isa na niyang sinasalinan ng kape ang lahat ng tasang nasa kanyang harapan nang sagutin niya ang ina. "Mahal na mahal ko si
