AWTOMATIKONG namasa ang mga mata ni Althea pagkakita sa minamahal. Hindi niya akalaing madadatnan doon ang kanyang buong pamilya pero lalong hindi niya inaasahan na makikita roon si Dimmitry kasama ng mga ito.
"D-Dim…" anas niya habang papalapit sa kanya ang binata.
"For you, Hon." Iniabot nito sa kanya ang bouquet ng pink roses na paborito niya, pagkatapos ay hinalikan siya sa isang pisngi.
"Thank you, p-pero paanong…bakit…I mean…" hindi siya magkandatuto kung anong angkop na tanong ang dapat niyang ibato kay Dimmitry nang mga sandaling iyon. Hindi rin siya aware na kunot pa ang kanyang noo at salubong ang mga kilay kaya lahat halos ay natawa sa kanyang anyo, maging ang kasintahan ay hindi napigilan na siya ay tawanan. Inakbayan siya nito saka bahagyang kinabig palapit sa sariling k
