"READY ka na ba for the seminar, Thea? I mean, ang mga gamit mo, nakahanda na ba?" Gusto na namang mainis ni Althea dahil mukhang ipinatawag lang siya ni Dominique sa opisina nito, para tanungin lamang ang bagay na na iyon. Gayunman ay pinigil niya ang mapangiwi.
"Y-yes, Sir," tipid niyang sagot.
"Maupo ka muna, Thea. May—"
"Excuse me, Sir, pero kung wala naman ho kayong ipag-uutos, lalabas na ho sana ako. Marami ho kasi akong kailangang tapusing trabaho," sabi niya na hindi na ito pinatapos magsalita. Ayaw niyang maging bastos dahil kahit paano ay ito pa rin ang nagpapasahod sa kanya. Wala naman na siyang narinig pang reklamo kay Dominique pero humugot ito ng malalim na hininga.
"Okay, you may go now," kaswal nitong sabi habang nakamata sa kanya. Seryoso ang mukha at nakapamulsa an
