PANAY statics ang naririnig ni Althea mula sa radyong inaayos ni Dimmitry. Kahit kaunti ay walang palatandaan na may nakokontak silang tao. Kaya naman ang excitement na nararamdaman niya kanina ay biglang naglaho. Kahit kasi ilang beses ng sinubukan ni Dimmitry na ayusin iyon at nabigo ito, hindi pa rin siya nawawalan ng pag-asang gagana pa rin iyon at makakakuha sila ng saklolo.
"s**t!" Inis na binitiwan na nito ang hawak na radyo.
"Wala pa rin?" Nanlalatang tanong niya.
"Wala, e. Inayos ko na rin 'yong makina kanina, ayaw talagang umandar. Pabuntong-hiningang bumaba ng chopper si Dim at umupo sa tabi niya.
"Pero paano na, Dim? Paano na tayo? Lalo ka na, kailangan mong makainom ng gamot sa tetanus at mga antibiotics, hindi ba?" Bahagya niyang sinulyapan ang braso nitong may balot n
