"H-HINDI naman sa ganoon 'yon, Dom. Kilala ko si Dimmitry. Hindi siya ganoong klaseng tao. At kung bibigyan mo lang sana siya ng pagkakataon na maging malapit sa 'yo, makikita mo na pwedeng-pwede kayong maging close dalawa," sabi niya. Ninenerbiyos siya pero hindi naman siya pwedeng magpadala sa takot. Kung kinakailangang tulungan niya ang mga ito na magkaayos at gagawin niya. Ngumisi si Dominique bago muling magsalita.
"Sa 'yo natural na ganoon ang ipapakita ni Dim, Althea. Come on, hindi mo pa kasi nakikita ang tunay na kulay ni Dim." Lihim na napailing sa isip ang dalaga. Sarado ang isip ni Dominique at mukhang kahit ano ang sabihin niya ay hindi niya mababago ang isip nito tungkol sa kakambal. Hindi na lang niya ito pinansin at iniba na lamang niya ang usapan.
"Halika na, kung tala
