WALANG isang linggo buhat nang magsabi sila ni Dim sa pamilya nito na magpapakasal na sila, nakapag-set ang mga ito na tuluyang pumunta sa probinsiya nila. At kagaya ng inaasahan nila ng kasintahan, nagulat ang mga ito nang malamang galing siya sa pamilyang matagal na pinaglingkuran ni Dimmitry bilang piloto.
"Akalain mo nga naman, ngayon ay alam ko na kung bakit ayaw umalis ng anak ko rito sa isla ninyo noon. Bukod sa napakaganda ng lugar, nandito rin pala ang minahal niya," anang Papa ng binata na hanggang sa mga oras na iyon ay hindi pa rin maka-move on sa ganda ng Isla Del Fuego. Kasalukuyan silang nasa ikasampung palapag ng hotel nila kung saan naroon ang event center. Doon nagpagayak ang mga magulang niya ng salo-salo para sa paghaharap ng pamilya nila at pamilya ni Dimmitry. Mayro
