"Vaughn... I'm sorry..." lumuluhang sambit ni Cecelia matapos makita kung ano ang itsura ni Vaughn.
May malaki itong sugat sa ulo dahil sa pagkakatama ng ulo nito sa malaking bato. Napakaraming dugo na rin ang nawala kay Vaughn dahil muntik na pa lang mahagip ng bala ang kaniyang puso. Isinailalim kaagad siya sa operasyon. Umiiyak sa isang tabi si Cecelia. Nilapitan siya ni Ashton.
"Ano ba ang nangyari? Bakit mo nagawa iyon? Kaibigan ka ni Faith, 'di ba?" kalmadong tanong ni Ashton sa dalaga.
Nag- angat ng tingin si Cecelia sabay pahid ng kaniyang luha. Umayos siya ng pagkakaupo. "Pumunta si Alberto sa unit ko. Ang sabi niya sa akin, kapag hindi ko sinunod ang utos niya, papatayin niya ako. Inutos niya sa akin na puntahan ko si Vaughn at magsinungaling na may gamit si Faith sa condo ko
