"Lola..." pinilit kong gawing normal ang boses ko. Mas hinigpitan ko ang hawak sa nanlalamig na kamay ni Aaliyah.
Pinasadahan niya kami ng tingin. Napamura ako nang maisip ko na tanging t-shirt ko lang ang suot ni Aaliyah at ako naman ay naka boxer shorts lang. Nagkatinginan kami ni Lola. Walang ekspesyon ang kanyang mga mata. Napalunok ako para pigilan ang aking kaba.
"Can I come in?" tanong niya.
"O-opo..." sagot ko. Nilakihan ko ang pagkakabukas ng pinto. Dumiresto siya sa loob at agad na umupo. Napasulyap pa siya sa damit ni Aaliyah na nasa kabilang upuan.
"Miggy," sambit ni Aaliyah. Hindi pa rin nagbibitiw ang mga kamay namin. Tumingin ako sa kanya at ngumiti ng tipid.
This is it. Wala na talaga kaming maaari pang itago. Siguro ngayon, alam na ni Lola ang mga nangyayari sa amin n
