"Hindi pa rin pumapasok si Miggy. Hindi pa rin ba okay ang Daddy niya?" usisa ni Mia habang naglalakad kami papasok sa aming classroom.
"Oo," sagot ko. Kahit na sa totoo lang, wala na akong balita. Hindi sinasagot ni Miggy ang mga tawag ko. Wala na rin sa ospital si Tito Alfonso. Kapag pumupunta naman ako sa bahay nila, ang madalas lang sabihin ni Manang Doris ay wala si Miggy.
Isang linggo na din ang nakakaraan, pero hanggang ngayon, dama ko pa rin ang sakit ng mga salitang sinabi niya.
"Naku, yang boyfriend mo, ah. Baka bumagsak pa yan! Malapit na ang final exam natin."
"Itetext ko na lang siya. Tsaka ipapahiram ng mga notes ko," sabi ko pagka upo namin.
"Maiba ako, kamusta na pala ang mga magulang mo?"
"Uhm, hindi ko alam. Pero madalas pumunta sa bahay si Papa kahit na hindi siya
