---------
***Elara’s POV***
-
Nang malaman kong wala na ang ina ko sa bahay namin, agad kong inalam kung saan na sila nakatira ngayon. Napag-alaman ko na hindi naman pala umalis sa San Miguel si Inay kasama ang bago niyang pamilya na sina Daisy at Gomer. Lumipat lang pala sila sa mas maayos at mas magandang tahanan.
Laking gulat ko nang malaman kong nakabili ng bahay si Inay sa isang subdivision dito sa lugar namin. Ayon sa pagkakaalam ko, milyon din ang halaga ng bawat bahay dito. Kung sakaling hulugan naman ito buwan-buwan, aabot daw sa dalawampung libong piso (₱20,000) ang monthly amortization sa loob ng sampung taon. Ang tanong—saan kaya kumuha ng pera si Inay para makabili ng bahay dito? At kung hulugan nga ito, saan naman siya kukuha ng pambayad buwan-buwan? Tumigil na siya sa tr
