-------
***Elara's POV***
-
Nagising ako at agad kong naramdaman na para bang nakaduyan ako. Ilang saglit pa bago ko napagtanto na nasa loob pala ako ng isang kotse. Napatingin ako sa nagmamaneho. Madilim ang paligid at medyo malabo pa rin ang paningin ko dahil sa matinding hilo na nararamdaman ko.
Pinilit kong kalmahin ang sarili kong muling kinakabahan at natatakot. Kailangan kong gumawa ng paraan. Hindi ko puwedeng hayaang magawa ng taong ito—ng grupo ni Bruno—ang masamang plano nila sa akin.
Kaya kahit nahihilo pa rin ako at halos hindi pa malinaw ang nakikita ko, mabilis akong kumilos. Walang pag-aalinlangan kong sinuntok ang driver ng kotse nang sunod-sunod.
“Walang hiya ka! Palabasin mo ako dito!” sigaw ko habang patuloy kong pinagsusuntok ang lalaki. Dahil sa ginagawa ko, nah
