“ANO? Happy na?” natatawang tanong ni Yumi sa mga kapatid habang pinapanood ang mga ito na tinitignan ang mga pasalubong niya.
Dalawang araw na ang nakakalipas mula ng umuwi siya galing sa Paris, France. Masaya siyang muli na makita ang pamilya, lalo na ang kanyang mga pamangkin. Pero mas naaaliw siya dahil sa reaksiyon ng mga kapatid sa mga bigay niyang pasalubong na para bang unang beses nitong makatanggap ng regalo mula sa Paris. Samantalang, mas madalas pang pumunta ang mga ito doon. Ang hindi lang niya nabilhan ng pasalubong ay si Laya na sa Switzerland nakatira.
“Oh my gosh, this perfume! I missed this, thank you!” masayang bulalas ni Lia.
“Thanks, Yums. Siguradong matutuwa si Anne,” sabi pa ni Himig.
“Mommy, open!” excited na sabi ng anak na babae na si Perl ng kanyang Ate A
