EVELYN
“Palabasin mo siya dahil wala siyang kasalanan.” sabi niya sa akin.
“At sino ka para magsabi na wala siyang kasalanan? Wala kang alam kaya mas mabuti na ‘wag kang mangialam. Hindi ka kasali dito, prof. Mas unahin mo ang buhay mo kaysa buhay ng iba.” sabi ko sa kanya at tumalikod na ako pero nagulat ako sa sinabi niya. Hindi ko inaasahan ang maririnig ko mula sa kanya.
“Ano ang sinabi mo?” nilingon ko siya dahil gusto kong ulitin niya ang sinabi niya.
“Ang sabi ko ay….”
“Ulitin mo ang sinabi.” utos ko sa kanya dahil gusto kong makasigurado.
“Palabasin mo ang kapatid ko. Ang ate ko.”
Ang akala kong maling pandinig ko ay tama pala talaga. Tama ang narinig ko na sinabi niya na kapatid niya si Sanna.
“Kapatid mo siya? Paano?”
“Ngayon ko lang din nalaman na siya ang nawawala
