"Signor Lion!" pare-parehong yumukod ang anim na taong inabutan ko sa sala ng Palazzo Monte Ciento. Agad kong kinalas ang maskarang suot ko, saka initsa iyon sa center table. Naupo na rin ako dahil sa pagod at panghihina sa sitwasyon.
"Kompirmadong nasa Santa Catalina na si mia signora. Nasa poder na ng kanyang amang si Dexter Arkhanghel."
"Bukod sa datos na ibinigay mo sa akin, Cleope. May iba ka pa bang impormasyon tungkol sa kanyang ama na pwede kong gamitin para mabawi ang aking asawa?"
"Negosyante sa Pilipinas ang kanyang ama. Ilang ulit mo na siyang nakaharap at nakausap dahil sa business. Si Dexter Arkhanghel ang may-ari ng Arkhanghel Food Corporation. Malaking negosyo iyon sa Pilipinas, Signor."
"Sa tingin mo ba'y ikukulong n'ya ulit si Aurelia?"
"Sa tingin ko po'y oo. Da
