Sakay na sina Rekker at Lucas sa isang barko na kung tawagin nila ay Carrack. Isang uri ng barko na hawig ng mga tipikal na barko ng mga pirata ngunit ang Carrack ay mas mukhang disente at talagang ginawa para sa mga matagalang paglalayag sa karagatan. Ganoon uri rin ng malaking barko ang madalas ginamit sa pagdadala ng mga kalakal sa malalayong lugar noong panahon nila at maaari rin itong pansabak sa mga labanan o gera sa tubig.
Malaki ang sukat kumpara sa normal na Carrack ang sinasakyan nina Rekker ay Lucas dahil pinasadya talagang ipagawa iyon ni Nicholas para sana gamitin nilang buong pamilya sa pamamasyal. Kompleto iyon sa mga kagamitan at marami rin ang maari nilang magawa habang naglalakbay at hindi sila maiinip dahil may isang silid na may mga mapaglilibangan ang mga pasahero.
I
