رواية بريد من بيوت مصرية

رواية بريد من بيوت مصرية ♥●_‗… الحلقه (٧)

الجزء الخامس من امبرطوريه فاء

ومتأثره جدا....

فاتن بدموع : الله يرحمها.... كانت انسانه جميله عقبال ما نشوف البنات زيها....

طارق : اللهم امين.....( وبصيت لها بابتسامه واعجاب) انتي كمان جميله اوي يا فاتن... جميله باخلاق وطبعك.... غير انك زي القمر طبعا

فاتن ب**وف : متشكره.... (وقامت واقفت بسرعه وأحراج) انا هروح انام جمب البنات.... تصبح علي خير

وجريت علي اوضة البنات وانا ببص عليها و مبتسم... ورحت اوضتي علشان انام

ولاول مره من يوم موت فدوي تيجي ليا في المنام.... كانت مبسوطه وسعيده جدا وبتبتسم... (وسمعت صوتها لما قالتلي ...انا دعيت ربنا يبعتلك إللي تطيب جرحك.... وتاخد بالها من بناتي وتكون ام ليهم . بس افتح لها قلبك )

صحيت الصبح وانا عقلي بيردد كلماتها (افتح لها قلبك) ..لقيت نفسي مرتاح وسعيد....كنت مرتاح اني شوفت فدوي في الحلم .... واني لقيتها مبسوطه.... حسيتها زارتنى لما روحها ارتاحت واطمنت عليا انا والبنات... حسيت ان فاتن هي دعوة فدوي لينا... وقررت افتح قلبي ليها ... قومت من النوم .... لقيت فاتن والبنات واقفين في المطبخ.... بيغنوا سوا نشيد الحضانه....

طارق بابتسامه : صباح الخير

فاتن ب**وف : صباح النور

قربت بوست فريده.....وبوست فريال..ورحت علي فاتن إللي كانت واقفه مبتسمه لينا وبوستها.... فتخضت وات**فت اوي

طارق بابتسامه : مش انتي قولتي اعدل بينكم..... انا بعمل بنصحيتك وبعدل اهو

فاتن ووشها احمر : يلا نفطر... انا جهزت الاكل (ونعقد كلنا علي الفطار )

طارق يبص لفاتن بابتسامه : هو احنا هنقضي الاجازه في البيت..... ما تيجي نسافر اي مكان فرصه الجو حلو واحنا اجازه من الشغل

فاتن بفرحه : ياريت.... بس هنروح فين

طارق : نروح إلمكان إللي تحبيه

فاتن تبص للبنات : نروح اي مكان فيه بحر.... عشان البنات يتبسطوا

طارق باستغراب : هو احنا هناخد البنات... انا كنت قصدي انا وانتي ...( وابصلها وابتسم) المفروض ان دا شهر العسل بتاعك ...الناس تقول ايه اخدنا البنات معانا شهر العسل

فاتن بابتسامه : مش مهم الناس....المهم احنا نكون مبسوطين.... واحنا مش هنتبسط من غير البنات...

طارق بابتسامه واعجاب : طيب بعد الفطار اجهزوا نفسكم .... هنسافر اسبوع العين السخنه

فاتن بفرحه تبص للبنات : هنروح البحر يا بنات

البنات سوا مع فاتن : هااااا... هنروح البحر هااااا

لقيت نفسي بضحك... وانا شايف فاتن... بتقلد البنات في فرحتهم وتصرفتهم ...حسيت ان عندي تلات اطفال

جهزنا وسلمنا علي ماما... اللي كانت عاوزه نسيب البنات.. بس فاتن رفضت تسيبهم ...واخدنها ووصلنا السخنه..وحجزت غرفه كبيره لينا كلنا... وطلعنا غيرنا هدومنا ونزلنا البحر...ونزلت مع البنات البحر.. وفاتن كانت قاعده علي الشط وعمله تصورنا وتضحك وتلعب معانا من بره وبعد يوم جميل كلنا انبسطنا فيه طلعنا الاوضه... اللي كانت عباره عن سرير واحد كبير... البنات كانوا نايمين حطينا علي السرير .... وفاتن كانت واقفه م**وفه ومش عارفه هنام ازاي

طارق بابتسامه ويقرب منها : مالك م**وفه كده ليه... احنا مش اتفقنا ان احنا ناخد علي بعض....

فاتن ب**وف : ايوه...

طارق بابتسامه : هناخد علي بعض ازاي وانتي م**وفه مني....و يلا ننام بقي ... متعبتيش اليوم كان طويل اوي

فاتن : تعبت ونفسي انام... بس مش عارفه هنام ازاي ....

طارق بابتسامه : هنام علي السرير جمب البنات... ونخليهم في النص.... اظن كده كويس

فاتن بابتسامه : اه كويس

ورحنا كل واحد علي طرف... والبنات في النص... وانا وهي بنبص لبعض...هي كانت م**وفه.. وانا كنت سعيد وحاسس احساس جميل... بحط ايدي علي البنات علشان احضنهم ... لقيت ايدي لمست ايدها.. اللي كانت حضنه بيها البنات.... ولسه هتشيل ايدها رحت ماسكها .... فبتسمت ب**وف وسابت ايدها في ايدي وغمضت عينيها.... ونمنا واحنا مسكين ايد بعض

وقضينا اسبوع سوا مع البنات .... واتعرفنا علي بعض انا وفاتن اكتر ..وحسيت قد ايه فاتن انسانه جميله... وبتحب البنات بصدق... ورجعنا البيت.. وكانت ماما... وعمر مستنينا... وسهرنا معاهم... و البنات ناموا عند ماما ... ولما جينا نروح شقتنا...فاتن كانت عاوزه تاخدهم .... بس ماما مرديتش وقالت نسيبهم نايمين.... وانا وافقت واخدت فاتن ورحنا شقتنا...... و لاول مره أكون انا وفاتن في لوحدنا ...اول ما دخلنا فاتن كانت م**وفه جدا...وعمله تفرك في ايدها

طارق بابتسامه : هو انتي هتفضلي م**وفه مني كده...دا انا جوزك حتي

فاتن بابتسامه و**وف : لا عادي مش م**وفه

طارق يقرب منها ويبص في عينها: هو انتي لسه محتاجه وقت تتعرفي عليا ( ويبصلها ويغمز لها اصل انا عرفتك كويس حتي ممكن تعمليلي امتحان.... (فاتن تت**ف وتحط وشها في الارض) بس شكلك انتي إللي لسه ماعرف*نيش.. وعاوزه وقت كمان

فاتن بابتسامه وهي بص للارض : لا انا كمان عرفتك كويس

طارق بفرحه : بجد طب حلو اوي.( ويسكت شويه ويبص لها) هو انتي صليتي العشا والا لسه

فاتن بخضه : ياخبر دا انا لسه مصلتهاش

طارق : طيب روحي غيري واتوضي عشان انا كمان لسه مصلتش ف نصلي سوا

دخلت فاتن غيرت ولبست اسدالها وخرجت... وصلنا سوا... وبعد ما صلينا العشا

طارق : قومي نصلي ركعتين كمان

فاتن باستغراب : ركعتين ايه

طارق بابتسامه : بعد الصلاه هقولك

وصلينا الركعتين... وبعد ما خلصنا... قربت من فاتن... وحطيت ايدي علي راسها... وقولت الحديث الشريف... فاتن فهمت ووشها احمر... وانا بعد ما خلصت الحديث... بوست جبينها وايدها... واخدتها... وبدأنا حياتنا الزوجيه سوا....

ومر شهرين... كنا في منتهي السعاده.... وفاتن اثبت انها نعمه الزوجه والام لينا.... وفي يوم صحيت علي صوت فاتن تعبانه وبترجع في الحمام

طارق بقلق : فاتن... مالك يا حبيبتي... انتي تعبانه

فاتن بابتسامه وتعب : متقلقش يا حبيبي... دا تعب طبيعي في الفتره دي

طارق باستغراب : فترة ايه

فاتن بابتسامه : اصل انا شكه اني حامل

طارق بصدمه وعينه برقت : حامل ازاي يعني

فاتن باستغراب : هو ايه اللي ازاي..( وبتسمت) حامل عادي زي اي ست....

طارق يبص لهابغضب : بس انا اعرف انك مبتخلفيش

فاتن بصدمه : مبخلفش.... مين اللي قال كده

طارق : دكتوره امل قالت انك لما اتجوزتي .... عرفتي انك مبتخلفيش

فاتن اتن*دت بحزن : اااه...لا هو اللي كان ما بيخلفش ... لان العلاج اللي كان بياخده اثر علي الخلفه عنده... وانا علشان محرجوش وسط اهلي واهلو..و نفسيته تتعب اكتر ....ومفضلش انا صعبانه على أهلي ... قولتلهم ان انا إللي مابخلفش

طارق بغضب وزعيق : وانت ازاي متقوليش ليا حاجه زي كده

فاتن باستغراب : انت مسألتش...وانا معرفش انك عارفه حاجه عن موضوع دا

طارق بزعيق : والعمل ايه دلوقتي

فاتن باستغراب : العمل في ايه بظبط

طارق يبص لها بغضب : في الحمل دا... انا اتجوزتك عشان مبتخلفيش....

فاتن بصدمه : وانت عاوزني اعمل ايه... يا طارق

طارق بغضب : ماعرفش ماعرفش.... اتصرفي انا مش عاوز عيال غير فريدة وفريال ... روحي نزليه

فاتن بصت ليا بصدمه ودموع..ومشيت ودخلت اوضت البنات.... من غير ما تكلم. وانا خرجت من الشقه بغضب وأنا نازل علي السلم ومضايق قابلت عمر

عمر بابتسامه : علي فين يا دك

طارق بغضب : رايح في داهيه

عمر باستغراب يقف قدامه : مالك يا طارق.... حصل ايه

طارق بضيق : سيبني دلوقتي يا عمر.... انا مش طايق نفسي...

عمر : طيب تعال نروح نعقد في مكان ....لحد ما تهدي

ورحونا قاعدنا في كافتريا وبعد ما هديت شويه... قالت لعمر ان فاتن حامل

عمر بابتسامه : مب**ك يا طارق....

طارق بضيق وغضب : مب**ك علي ايه يا عمر ....انا مش عاوز عيال ... انا مش عاوز غير فريده و فريال

عمر باستغراب : ليه يا طارق... دا انت كنت دايما بتقول انك لما تتجوز..... هتجيب عيال كتير

طارق بحزن : اجيب عيال واظلم فريده وفريال

عمر باستغراب : تظلمهم في ايه

طارق بحزن : فاتن بتهتم بيهم دلوقتي ...علشان معندهاش ولاد...اكيد لما يبقي عندها عيال.... اهتمامها كله هيبقي بيهم ... وتهمل فريده وفريال

عمر يقرب منه : ومين قالك كده يا طارق.... انا شايف فاتن بتحب البنات جدا... ومتعلقه بيهم... وبتعملهم علي انهم بناتها ..

طارق بحزن :علشان ما عندهاش ولاد بس اكيد اول ما هتخلف... هتهتم باولادها اكتر منهم

عمر : دي حاجه في علم الغيب... وبعدين انت عاوزها تعمل ايه... (ويبصله باستغراب )تموت ابنها... اعقل يا طارق فاتن كويسه جدا وطيبه وبتحبك إنت والبنات ... متخسرهاش..( ويتن*د بضيق )حرام عليك انت كده حسستها انك مش بس اتجوزتها عشان البنات..دا انت اتجوزتها عشان مبتخلفش... انت جرحتها اوي يا طارق...وكل دا عشان شكوك ومخاوف.... لما تلقيها قصرت في حق البنات ابقي عاتبها. لكن تنكد عليها وتجرحها عشان مخاوفك ... اتقي الله يا طارق ..وحافظ علي النعمه إللي ربنا بعتهالك انت وبناتك

كلام عمر رايحني شويه... رحت علي العياده ..وفضلت طول اليوم بفكر ..وفي الاخر روحت البيت وانا ناوي اصالح فاتن... دخلت لقيت البيت ساكت والبنات ناموا وفاتن نايمه معاهم وجمبهم . قربت منها بشويش

طارق بهدوء : فاتن... حبيبتي اصحي

فاتن بحزن من غير ما تبص له:العشا علي السفره ... انا مجهزه ليك كل حاجه

طارق بابتسامه : تسلم ايدك يا حبيبتي.... طيب قومي نتعشا سوا

فاتن بزعل : اكلت مع البنات... وهنام معاهم

طارق يبوسها في خدها : وانا مش هاكل من غيرك... ( وينزل لبطنها يبوسها) والجميل إللي جوه هنا.. بيقول انه مأكلش وجعان

فاتن بدموع مكتومه :وإنت مهتم بيه ليه اكل او مأكلش ما انت مش عاوزه

طارق يمسح علي خدها بحنان : حقك عليه يا حبيبتي... انا كنت مضايق... وبعدين هو في حد يرفض رزق ونعمه من ربنا إللي لو كان غبي

فاتن بدموع : يعني انت فرحان بيه و عاوزه

طارق يرجع يبوس بطنها : طبعا يا حبيبتي... دا حته منك ومني ويلا قومي بقي كده هنصحي البنات...(ويغمز لها) واحنا عاوزين نحتفل ب النونو الجديد.فاتن ت**ف وتبتسم وتقوم معاه....

فاتت شهور الحامل علي خير... وفاتن كانت بتقوم بكل واجباتها ليا انا والبنات بدون تقصير ..رغم تعب الحمل عليها ..و كان اهتمامها بالبنات كل يوم كان بيزيد .. وولدت فاتن... وجابت بنت...

عزة بفرحه : مب**ك يا ابو البنات

طارق بابتسامه : الله يبارك في عمرك يا ماما

الدكتوره امل : مب**ك يا فاتن... مب**ك يا دكتور... هتسموا القمر دي ايه

فاتن بابتسامه : البنات مختارين ليها... اسم فيروز

فريده بسعاده : ايوه احنا قولنا لماما عاوزين بنت. واسمها يبقي بحرف الفاء. واخترنا فيروز

عمر بضحك : صحيح دا كل النساء اللي في حياتك طارق بحرف الفاء

فاتن بابتسامه :اصل إحنا ناوين نعمل عليه إمبراطورية فاء

وسمينا الطفله فيروز... وروحنا البيت... وبقيت قلقان وخايف وشكوكي رجعت تاني وخايف ان فاتن تهتم بفيروز.. وتهمل فريده وفريال ... وبليل صحيت علي عياط فيروز...اللي سريرها كان في اوضتنا... وبدور علي فاتن جمبي مالقتهاش.... فقلقت عليها وخرجت اشوفها... دخلت اوضة البنات....لقيتها نايمه في النص بين فريده وفريال وواخدهم في حضنها.. اتن*دت براحه وقربت منها

طارق : فاتن فاتن

فاتن بنوم : ايوه يا طارق في حاجه

طارق : فيروز بتعيط

فاتن تقوم بشويش : حاضر هاجي ارضعها

طارق باستغراب : هو انتي ايه اللي منيمك هنا

فاتن : خوفت البنات يغيروا عليا من فيروز ... وخصوصاً فريال هي يا حبيبتي لسه صغيره مش فاهمه ... وانا قرأت ان لازم الام تهتم بالطفل الكبير اكتر لما يتولد اخوه او اخوته... لانهم بيغير... ووانا برضع فيروز .. حستها ان فريال غيرانه... فجيت ونيمتهم في حضني وعلي ص*ري عشان متغيرش من اختها

طارق بسعاده يقرب منها ويحضنها اوي ويبوس راسها : ربنا يباركلنا فيكي يا حبيبتي ويخليكي لينا

وتمر الايام... وفاتن كانت كل يوم تثبت ليا انها نعمه الام والزوجه... وفاتن خلفت بنتين كمان بعد فيروز.... وبقي عندي 5 بنات ( فريده... وفريال... وفيروز... وفرح... وفداء) و فاتن عمرها ما فرقت بين البنات وبعض... وماحدش عمره كان يصدق...ان فريده وفريال مش بناتها ... كان اهتمامها بيهم اكتر من بناتها.... وكبروا البنات... وبقي سرهم وكلامهم كله مع فاتن امهم.... فاتن ربتهم ونعمه التربيه.... وكانت بتحكي ليهم كلهم دايما قصة فدوي.... وعودت البنات كلهم مش بس فريده وفريال انهم يدعولها في الصلاة..... و الحمد الله بناتي طلعوا بأخلاق...فدوي وفاتن... وسعادتنا وفرحتنا بيهم كانت بتكبر كل يوم...وكنت فخور بيهم وبتربيتهم وتفوقهم في الدراسه.... وكل دا كان بفضل تربية واهتمام فاتن بينا كلنا .. وتمر الايام والنهارده فرح بنتنا الكبيره... المهندسه فريده... كانت واقف في نص القاعه...بقابل ورحب بالناس .ووانا وقف ببص بعيني علي الكوشه لقيت فاتن واقفه وسط الخمس بنات..... بفرحة وسعادة ام تعبت وربت وكبرت كانت دموع الفرحه مليا عنيها ...وفريده بقيت بتحضن فيها... وتبوس راسها...وفريال بضمها ومسكه ايدها بكل حب ...مستحيل انك تشوفهم وتقول ان فاتن مش امهم.... عمر اخويا قرب مني

عمر بابتسامه : مب**ك يا طارق .( ويبص علي فاتن والبنات) لو فدوي عايشه...فرحتهم ماكنتش هتبقي اكتر من فرحت فاتن... فعلا الام مش بس إللي بتولد...الام إللي بتربي كمان ... ( ويحط ايده علي كتف طارق )وانت ربنا كرمك بزوجه صالحه... كانت نعمه الام لفريده وفريال

طارق دموعه نزله علي خده ومش قادر يمنعها و بيبص علي فاتن وبناته بحب وسعاده : انا ربنا كرامني بفاتن ...بدعوي من فدوي... علشان تكمل سعادتنا وتاخد بالها منا( ويبص لعمر ويضحك) وعلشان تكمل إمبراطورية فاء

يضم طارق اخوه ..ويسيبوا ويروح يقف جمب فاتن ويحط ايدها علي كتفها بحب ..ويضمها ليه ..ويبوس راسها ..و يتجمعوا البنات 

..وتتاخد احلي صوره لاب وام وسط بناته 

النهايه#