رواية بريد من بيوت مصرية

رواية بريد من بيوت مصرية ♥●_‗… الحلقه (٦)

الجزء الرابع من امبرطوريه فاء

طارق بابتسامه : اسف اني جيت بدري... بس خلصت شغل... ومروح

فاتن تقوم تقف بابتسامه : مافيش مشكله يا دكتور...

يقرب طارق عشان ياخد فريال فتعيط...وتمسك في فاتن طارق استغراب و ياخدها منها وهي فضلت تعيط ... وفريدة راحت لعنده وهي زعلانه... وفاتن فضلت بتص عليهم وهم ماشين ...وفريده بتبص عليها وبتقولها باي...وفريال بتعيط وبتشاور عليها...وفاتن زعلت انه اخد البنات... وانهم مشيوا زعلانين ...

بعد ما اخدت البنات فضلت العبهم شويه في المراجيح لحد ما فريال سكتت...واخدتهم ورحت البيت وفضلت العب معاهم .. بس دماغي بقيت مشغوله وقعدت أفكر ..بناتي فعلا محتاجين ام ليهم ...بس انا مش عاوز اتجوز ولا أدخل حد حياتي ..فكرت كتير وفي الاخر قررت اشيل الموضوع من راسي ..لاني مش هقدر احب غير فدوي

ومر شهرين ... لحظت ان كل يوم تعلق البنات بفاتن بيزيد... وطول ما هم في البيت.. فريده مش بتتكلم أو تحكي غير عن فاتن.. وماما بقيت كل فترة تفكرني بوصيه فدوي..... بس من جوايا رافض ان حد يدخل حياتي... وياخد مكان فدوي... وفي يوم وانا في المستشفي كنت في مكتبي.... ودخلت دكتوره امل

امل بابتسامه : ازيك يا دكتور طارق

طارق : الحمد الله يا دكتوره ازيك انتي... وازي دكتور احمد

امل تقعد : بخير الحمد الله..... البنات عاملين ايه...

طارق بابتسامه : الحمد الله... من وقت ما راحوا الحضانه... وهم مبسوطين جدا .... ومتعلقين ب مس فاتن اوي..انا متشكر جدا يا امل انك عرفتيني بالحضانه دي

امل بابتسامه : متشكر علي ايه يا طارق ..احنا اخوات ..وفدوي كانت زميله عزيزه عليه... ودا اقل شيء اقدمه ..

طارق بحزن :الله يرحمه .. البنات فرحانين اتعلقوا ب مس فاتن جدا ..دي فريده ملهاش سيره في البيت غير عنها ..وبتعلمهم حاجات جميله جدا ..

امل بابتسامه : كل الاطفال في الحضانه متعلقين بفاتن جدا... حتي يوسف ابني متعلق بيها اوي... وعلي طول معاها في البيت والحضانه .. دا لما عرف انها هتسيب الحضانه وتسافر ...قعد يعيط ويقول مش هيروح حضانه تاني.....

طارق بانزعاج : هتسيب الحضانه وتسافر ليه....

امل بابتسامه : جي ليها عريس...واحمد والعيله بيقنعوها انها توافق....

طارق بضيق : وهي هتوافق...

امل بحزن : فاتن رفضه الجواز .. وخصوصا من الشخص دا لانه عاوز ياخدها ويسافر... بس ضغط العيله والكل عليها وكلامهم بيضايقها... فبقيت تفكر انها توافق وتريحهم ..( وتتن*د بحزن ) ربنا يسعدها ويقدملها إللي فيه الخير... فاتن طيبه جدا وتستاهل كل خير ..المهم انا كنت جايه علشان اسالك عن الحاله رقم.....

(وفضلت امل تتكلم في الشغل.. وانا عقلي كله..في بناتي و ازي هيقدروا إن فاتن تبعد عنهم بعد تعلقهم بيها

والساعه 2 رحت اخد البنات من الحضانه ..لقيت فريده بتجري عليه وهي فرحان

فريده بفرحه : بابا انا وماما فاتن....هنعمل اغنيه في عيد الام

انا سمعت كلمة ماما فاتن ..اتمحت الابتسامتي ووقفت بصدمه ببص لفاتن.. إللي كانت شايله فريال..وهي كمان ووقفه مصدومه

فاتن بارتباك : كل الكلاس... بتاعها هيعملوا فقرة في عيد الام مع امهاتهم... وهي زعلت وعيطت...علشان مش هتعمل زيهم ..قولتلها ان انا هعملها معاكي .. هو دا الحصل بس والله .. انا مقولتلهاش تناديلي ب ماما( وسكتت هي ووشها احمر من ال**وف والاحراج )

فريدة تجري عليها وتحضن رجلها : انتي هتبقي ماما في الحفله..وانا هقولك ماما.(وتبص لطارق بغضب طفولي) اشمعني كل اصحابي عندهم ماما .وانا كمان عاوزه مس فاتن تكون ماما بتاعتي( وتبص لفاتن بفرحه ) انتي هتبقي ماما

فاتن عيونها دمعت وحضنت فريده اوي..وانا وقفت ببص عليهم بصدمه.... كلمات فريده إللي عمرها 5 سنين صدمتنى

فريده : ممكن اقولك ماما علي طول...( فاتن بصت لطارق...فبص للارض بحزن)

فاتن بابتسامه : دي احلي كلمه تقوليها لياحبيبتي .. انتي احلي بنوته في الدنيا

فريدة حضنها اوي وبفرحه اطفال: ماما... انا بقي عندي ماما

فريال تجري علي فاتن وتقلد اختها بضحك : ماما

فاتن حضنت البنتين ودموعها بقيت نزله غصب عنها ...ووقتها حسيت ان مش بس البنات إللي محتاجين فاتن... هي كمان محتاجهم... لقيت نفسي بدون وعي بقولها

طارق بابتسامه حزينه: تسمحى ليا اكلم دكتور احمد النهارده.( فاتن تمسح دموعها وتبص لطارق باستغراب ..فطارق يبتسم ويكمل كلامه ) ماهو اي ماما لازم تعيش مع بناتها في بيت واحد...موافقه تعيشي معاهم في بيت واحد

فاتن ب**وف ودموع تحضن البنات اوي وتشاور براسه بايوه ...وانا بعد شويه ..اخدت البنات ومشيت ..بس بقيت طول الطريق بفكر في الحصل .و ازاي انا قولت لفاتن كده. ازاي انا هتجوز غير فدوي...بقيت محتار بين بناتي....وبين حبي لفدوي.. واول ما روحت البيت حكيت لماما... اللي حصل فرحت جدا... وقالت ان دا اختيار ربنا... وقامت على طول اتصلت بامل... وخالتني اكلم دكتور احمد...واخدنا ميعاد ورحنا أقابلنا اهل فاتن إللي فرحوا ورحبو بيا و بالبنات...وتم الجواز في شهرين ...فاتن رفضت انها تغير أي حاجه في البيت ..بس ماما **تت انها تغير اوضة النوم...كل الامور كانت ماشيه لوحدها ..وانا كنت زي المتخدر مش حاسس باي حاجه..مافقتش غير على اخر كلمه للماذون في كتب الكتاب... واكتشفت اني فعلا اتجوزت واحده تانيه غير فدوي.

بعد كتب الكتاب اخدت فاتن في عربيتي مع البنات... وماما راكبت مع عمر...ومشينا علي البيت ... وانا طول الطريق محتار ومخنوق ومش عارف اعمل ايه....انا اتجوزت بس علشان خاطر البنات إزاي هتعامل معاها على إنها مراتي ...بقيت افكر لحد ما وصلنا البيت ..وقدام باب الشقه وقفنا كلنا وانا مخنوق وعمل افكر هعمل ايه

عزة بابتسامه : مب**ك يا ولاد... ربنا يسعدكم

فاتن ب**وف : الله يبارك في حضرتك يا طنط

عمر بابتسامه يحط ايده علي كتف طارق : الف مب**ك يا عريس... خد عروستك وادخلوا يلا شقتكم ( ويبص للبنات) وأنا هاخد القمرات دول وندخل عند تيته نلعب

فريده وفريال مسكه في رجل فاتن : لا احنا هنروح مع ماما

عزة تقرب تمسكهم : لا يا حبايبي احنا هندخل جوا عندي ...وناكل تورته ونلعب سوا

البنات يستخبوا ورا فاتن : لا هنروح مع ماما

فاتن بابتسامه تحضنهم : سبيهم يا طنط... انا اصلا عاوزهم معايا

عزة ب**وف : ازي بس يا بنتي ماينفعش

فاتن تحضنهم : مافيهاش حاجه يا طنط..انا عاوزهم معايا

عزة : بس يا بنتي ( قاطعها طارق)

طارق : خلاص بقي يا ماما سبيهم معانا

عمر يقرب من عزة : خلاص سبيهم ياماما..ويلا ندخل احنا(ويبص للبنات).. وانا هاكل كل التورته لوحدي ..بس لو غيرتم رائيكم تعالوا ... وتدخل عزة وعمر شقتهم

ويدخل طارق وفاتن و البنات البيت...والبنات كانوا فرحانين جدا.بوجود فاتن معاهم

طارق بابتسامه يرسمها ويبص لفاتن : معلش هو متعلقين بيكي .. وفرحانين انك معاهم في البيت...

.

فاتن بابتسامه : انا كمان فرحانه اني معاهم ..( وتبص للبنات) يلا ندخل نغير هدومنا..ونخرج نحضر العشا وناكل كلنا سوا....

فاتن تاخد البنات وتدخل اوضتهم....واسمع صوت في البيت لاول مره .. وصوت ضحكتها وضحكت وفرحة البنات...حسيت قد ايه هم مبسوطين بوجود فاتن معاهم البيت اتملى بصوت ضحكتهم ... اتن*دت وانا مبسوط لبناتي...بس مش عارف حياتي انا وفاتن هتكون ازاي.... وقعدت في الصالون وانا بفكر...و بعد شويه لقيت البنات جايين عليه وهما بيجري حضنتهم وبرفع عيني..شوفت فاتن....كانت لبسه بجامة اوف وايت ناعمه ورقيقه ومسيبه شعرها..وكانت بصه للارض ووشها احمر من ال**وف... بصتلها باعجاب..هي فعلا حلوه جدا انا اول مره اخد بالي من شكلها.... قد ايه هي جميله... ورقيقه

فاتن بابتسامه : انا هحضر العشا..( وتبص للبنات.. يلا نجهز العشا ..البنات هيصوخ ورحوا معاها

فاتن تاخد البنات وتدخل المطبخ... ويفضلوا يضحكوا ويلعبوا ... ويجروا حاوليها.. وهي بتضحك وبتلعب معاهم ..لقيت نفسي رايح وراهم ... وقفت علي باب المطبخ ببص عليهم... ولقيتني بضحك وهي بتهزر معاهم... وبقيت اساعدهم... وانا بلعب مع البنات....وفضلنا قاعدين نتكلم ونضحك... وبنلعب مع البنات... لحد ما البنات ناموا ....فاتن شالت فريال وانا شلت فريده ودخلنهم اوضتهم. ووقفت محتار مش عارف هتصرف ازاي دلوقتي ... لقيت فاتن بتبص للارض وتبتسم

فاتن بابتسامه : تسمح لي ابات مع البنات في اوضتهم..... ( وبصت للارض) اصل انا لسه مش واخده عليك... والنهارده اول مره نتكلم سوا... فمعلش هحتاج وقت علي ما اتعرف عليك... فهفضل هنا مع البنات في اوضتهم.... لو مش هيضايقك

طارق بابتسامه : لا ابدأ مش هيضايقني... بس ممكن انتي تنامي في اوضتك برحتك... وانا انام مع البنات...انا واخد علي كده

فاتن بسرعه : لااا انا عاوزه اخدهم في حضني... وانام جمبهم

طارق بابتسامه : براحتك ... تصبحي علي خير

وخرجت من لاوضه .. وانا من جوايا مرتاح وحاسس ان في حمل كبير اتشال من عليا... والفجر وأنا نايم ..لقيت فاتن بتصحيني

فاتن بهدوء : طارق طارق

طارق بقلق : خير حد من البنات جري ليه حاجه

فاتن بابتسامه : بعد الشر ربنا يحميهم.... هم نايمين بس الفجر اذن...وقولت اصحيك علشان نصلي

طارق بابتسامه : متشكر انا هقوم اتوضي حالا....

واتوضت وخرجت... لقيتها لبسه الاسدال وواقفه

فاتن بابتسامه : انا استنيتك عشان نصلي جماعه

طارق بقلق : هصلي السنه الاول و وبعدين نصلي الفجر جماعه

صليت السنه وخلصت..... ووقفت اصلي الفجر ... وانا اول مره امام لفاتن...وفي الركوع وكعادتي...بدأت ادعي لفدوي. ونسيت نفسي وكان صوتي مسموع لفاتن.... وبعد ما خلصت صلاة وافتكرت اني بصلي بيها ...ببص لقيت دموعها نزله علي وشها ....

طارق باستغراب وقلق : انتي بتعيطي ليه

فاتن بابتسامه تمسح دموعها : دعائك لفدوي كان جميل اوي... ومأثر...ربنا يتقبل منك ويجعلوا في ميزان حسناتها... وحسانتك

طارق بابتسامه حزينه : امين..انا متعود ادعي لي فدوي في كل صلاة...دي كانت وصيتها ليا...( ويبص لفاتن بقلق ) دا ما يضايقكش مش كده بسرعه : لااااا طبعا عمره ما يضايقني....ربنا يتقبل دعائك ليها.... وابقي ادعي ليا  انا والبنات كمان وانت بتصلي . ( وتبتسم ابتسامه جميله) ما لازم تديعى لينا احنا كمان و تعدل بنا يا دكتور حتي بدعاء

طارق بابتسامه : حاضر هدعيلكم دايما

فاتن تبصله باهتمام  : ممكن تحكيلي عن فدوي.....( طارق بص ليها  بضيق وهي حست بيه)  انا حابه اعرف عنها كل حاجه لاني انا اللي هفضل مع البنات طول الوقت.... وهم  كانوا صغيرين لما سابتهم الله يرحمه فامش هيفتكروها ... ف انا حابه احكي ليهم عنها.... علشان يفضلوا فاكرنها وعرفناها ...ويفتكروها بدعاء دايما لما يكبروا

بصيت لفاتن بأعجاب شديد.... انا عمري ما فكرت زيها كده...  مافكرتش احكي للبنات عن فدوي ...حتي صورها مخبيها...... بصيت لفاتن وبدأت احكي ليها عن  فدوي....  كنت بحكي ونسيت نفسي...  ودموعي بقيت تنزل مني... وبعد ما خلصت ...ببص لقيت فاتن  بتعيط جامد