رواية بريد من بيوت مصرية

رواية بريد من بيوت مصرية ♥●_‗… الحلقه (٥)

الجزء الثالث من امبرطوريه فاء

كنت وقف بسمعها وانا بعيط زي الاطفال.... وجويا حزن منها وعليها.... كنت زعلان منها ... ازي فدوي تتصور اني ممكن احب حد غيرها... ازي تتصور ان ممكن ادخل قلبي وحضني وبيتي حد غيرها.... وكنت زعلان عليها.... لأني حاسس بخوفها وقلقها عليا انا والبنات... من بعدها.... بعدت عن الاوضه ... ماقدرتش ادخل عندها... خوفت تطلب مني نفس الوعد ....

رحت علي اوضة البنات.... لقيتهم قاعدين بيلعبوا بهدوء .... نفس هدوء فدوي....رحت قعدت جمبهم... لقيت فريده بنتي اللي عندها 3 سنين... بتقرب وتمسح دموعي وتحضني .... وفريال عملت زي اختها.... استخبيت في حضن بناتي... وانا بعيط....

تاني يوم بليل رجعت من الشغل.... واول ما دخلت رحت اشوف فدوي... لقيتها لبسه الاسدال ووقفه بتصلي... وقفت علي الباب وانا مش مصدق ان فدوي وقفه .. الفترة الفاتت... كانت بتصلي وهي نايمه مكانها .....ماما قربت مني ..

عزة بابتسامه : الحمد الله النهارده كويسه اوي ... وهي اللي عملت الغدا بنفسها.... وفضلت تلعب وترسم مع البنات....و**مت انها تكوي لعمر بدلته... وفضلت تكلم وتهزر معه زي زمان .. ربنا كبير يابني... وقادر يشفيها ويرجعها لينا... انا هروح احضر لكم الاكل.... وانت هاتها وتعالي....

مابقيتش مصدق ومبسوط جدا.... بعد ما خلصت صلي بتبصلي

فدوي بابتسامه :حمدالله علي سلامتك حبيبي

طارق يروح لعندها ويعقد قصادها بابتسامه : الله يسلام عمرك يا كل عمري.... ايوه بقي ايه الحلاوة دي....

فدوي بابتسامه و**وف : يارب افضل دايما حلوه في عينك حبيبي

طارق يبوس جبينها : ربنا يخليكي لينا يا حبيبتي..... تعرفي بمناسبه انك بقيتي كويسه انا هحجز لينا كلنا... ونطلع نعمل عمره...متأكد ان ربنا هيتم شفاكي هناك

فدوي بابتسامه : ياريت يا حبيبي.... انا نفسي اوي اروح اعمل عمره...

طارق يبوس ايدها : حاضر ان شاء الله بكرا الصبح اول حاجه هعملها اني هحجز

فدوي : ان شاء الله يا حبيبي.... طب يلا قوم نتعشا مع عمتو وعمر.....انا عمللك كل الاكل إللي بتحبو

طارق يغمزلها : ما تيجي نتعشا لوحدنا

فدوي ت**ف اوي وتحط ايدها علي وشها.... فطارق يضحك بصوة عالي

طارق بضحك : انتي لسه بت**في مني يا حبيبتي

فدوي ووشها احمر : ياطارق قولتلك بلاش تحرجني كده.... وقوم يلا وبطل دلع

وقومت انا وفدوى... وانا سعيد ومبسوط... ونسيت الايام الفاتت... ومحستش غير ان فدوي حبيبتي... رجعت والفات دا كان كابوس وصحيت منه.... وقعدنا كلنا نتعشا ونهزر ونضحك... ورجعت الضحكة لبيتنا... وعمر وماما كان سعادتهم زي سعادتي... وفضلوا يحمدوا ربنا... ورحت انا وفدوى شقتنا.... وفضلنا سوي نتكلم ونهزر للفجر.... وقمنا نصلي الفجر... وصليت بفدوى وانا في كل سجدة... بحمد ربنا وبدعيه... وبعد اخر ركعه... ببص علي فدوي لقيتها نايمه علي المصلية وبصا لفوق وبتضحك.... قربت منها

طارق بابتسامه: بتبصي علي ايه يا حبيبتي

فدوي بابتسامه وهي عينها لفوق : علي السما... ابوابها مفتوحه وبتنور.... وماما وبابا واقفين بيضحكوا ....ويشاور ليا

طارق بصدمه وعينه برقت ورح شال راس فدوي حطها علي رجله بخوف : لاااا فدوي....ما تبصيش فوق بصي ليا انا حبيبتي.... فدوي بصي ليا ( وبدأت دموعه تنزل من الخوف)

فدوي بفرحه : فوق حلو اوي يا طارق.... الدنيا منوره وفي ناس لبسه ابيض كتير.... وماما وبابا هناك اهم بيشاور ليا ..مستنيني انا هروح ليهم يا طارق...( وتبص ليا بدموع بس دموع سعادة وفرحه) متخافش عليه. انا راحه مكان احسن .. خلي بالك من البنات...وهات ليهم ام ياطارق .اوعي تعيش وحيد. وتيتم بناتي ..أتجوز وافتح قلبك ليها .. انا دعيت ربنا يبعت ليك اللي تدوي جرحك... وتأخذ بالها من بناتي... لو عاوز سعادتي تكمل.... اسمع كلامي... واختار ام لبناتي ( كانت بتكلم... وانا دموعي نزله علي وشها... وعمل احرك راسي ب لا... وهي رجعت ابتسمت وبصت لسما بفرحه)

فدوي بابتسامه : أشهد أن لا اله إلا الله وأشهد ان محمد رسول الله ( وغمضت فدوي عينها وهي مبتسمه وفرحانه بلقاء ربها)

طارق بدموع وألم صريخ ... صحت كل اللي في البيت... وكل الشارع.... : فدوووووي لا حبيبتي ماتسبنيش... فدوووووي فتحي عنيكي... فدوووووي

ودخلت عزة وعمر الاوضه وهم بيجرو... وشافوا فدوي نايمه علي الارض مغمضة عينها ومبتسمه..... في حضني...

عزة وقعت جمبهم علي الارض ... وعمر سندها. وقعد جمبها .. وهم الاتنين يبكوا بحرقة وحزن علي الملاك إللي فارقهم

ماتت فدوي... وأخدت معاها حته من روحي وقلبي... وبعد مراسم الدفن... والعزاء إللي مش عارف والا فاكر عنها حاجه... لاني كنت في عالم تاني...... ودنيا تانيه....دخلت شقتي وقفلت عليا... ورفضت اخرج منها او اقابل حد.....نسيت كل حاجه حتي بناتي نسيتهم....ورفضت اني اشوفهم ..وكل ماما تقولي انهم بيسألوا عني ..اقولها تقولهم اني مسافر وفضلت علي الحال دا اكتر من شهرين كنت منعزل لوحدي .كنت بأكل بالعافيه بعد ضغوط من ماما وعمر... كنت اكل لقمتين عشان يسبونى ويخرجوا .... وكل المحاولات اللي حاولتها ماما وعمر... واهلي.... و حتى زمايلى في الشغل.... علشان اخرج من العزله فشلت .....و ماقدروش يخرجوني.... كنت طول الوقت قاعد مع فدوي... وسط هدومها وريحتها.... وصورنا وذكرياتي معاها..... لحد ما في يوم.... لقيت الباب الشقه اتفتح .... فكرت انها ماما او عمر .....بس دخل من الباب فريده وفريال.... بصيت ليهم وهم داخلين عليا... وفريال فتحت ايدها بفرحه كبير لما شاف*ني.... لقيت نفسي بجري ورحت عليهم

طارق يفتح ايده الاتنين لبناته : اهلا اهلا اهلا بحبايب بابا.... (البنات جريوا لحضني واول ما ضمتهم شميت ريحة فدوي فيهم ... وسمعت صوتها وهي بتقول لي خالي بالك من البنات أوعي تسيبهم...... بصيت علي البنات وضمتهم اكتر ) انتم فتحتوا الباب ازي ....

عمر طلع من جمب الباب واقف بابتسامه

عمر بابتسامه : انا جي في حمايه... فريده وفريال... ايك تفكر تضرب...انا بقول اهو .. ويلا بقي قوم غير هدومك علشان احنا جاين ناخدك تاكل معانا ... ومافيش اي اعتراض... والا هجوع لك بناتك... واحرمهم من الاكل

فريده : عمو عمر قال... مش هناكل غيرلما انت تيجي معانا

فريال : بابا ... عاوزه كوكو

طارق يبص لعمر : انت مجوع البنات بجد

عمر يبوص له بنص عين : اه مجوعهم.... واهو انت سمعت بنفسك ... انا بقالي ساعتين.....مانع الاكل عن كل البيت...و لو مجتش معانا... هاخد بناتك وهلف بيهم علي الجيران والناس يقول لهم بابا مجوعنا يا ناس ياهو... هشردك انت وهم

طارق بابتسامه لاول مره من شهرين: انت بتعمل ظابط وبتبلطج علي بناتي...حسابك معايا يا سي عمر..... ( ويبص للبنات بابتسامه ) روح عند تيته... قوللها تجهز الاكل.... وانا هغير هدومي واجي ناكل انا وانتم سوا

فريده وفريال بفرح: هاااا بابا جي... هااا بابا جي

وعمر بابتسامه و يقول زيهم : هااا بابا جي... هااا بابا جي

(ويقرب من طارق بابتسامه بعد خروج البنات) خد دش واحلق دقنك وغير هدومك وتعال.... بناتك مستنينك.... واحنا كمان

طارق بابتسامه حزين :حاضر نص ساعه واحصلك... ( يمشي عمر بس قبل ما يخرج) عمر انا متشكر

عمر يبتسم ويخرج....

عزة فرحة جدا لما عرفت ان طارق جي.... وبعد نص ساعه دخل طارق... بعد ما حالق وغير هدومه... والبنات جريوا عليه... فشالهم وقرب من عزة

عزة بابتسامه ودموع : ايوه كده يا حبيبي.... ارجع لينا ولبناتك.... وخليك وسطيهم.... هم ملهمش غيرك

طارق يبوس راسها: حاضر يا ست الكل .... ( ويمسك ايدها يبوسها) تعبتك معايا يا ماما

عزة بحنان : ربنا يريح قلبك يا حبيبي... ويخليك لبناتك... ويطمني عليك

اقعدت معاهم علي الغدا... ... فريده قاعده جمبي و فريال علي رجلي... وفضلت اكلهم وضحك معاهم ... وبعد اسبوع رجعت لشغلي... والحياه .... بس مرجعتش زاي الأول .... لأن حياتي كان ناقصها اهم حاجه كانت فيها....كان ناقصها فدوي .. كنت أخلص الشغل وارجع البيت جري عشان اخد بالي من بناتي....كنت بفضل معاهم... العبهم وخرجهم ونايمهم... كانت امي بتساعدني دايما... بس بحكم سنها ماكنتش بتقدر.... تقوم بكل طلبات البنات... وفاتت سنه.... فريده بقيت 4 سنين.... وفريال بقيت سنتين.... وفي يوم كنت في العمليات... واول ما خرجت جالي تلفون من ماما

عزة بدموع : الحقني يا طارق يابني.....

طارق بخضه : خير يا ماما.... حد من البنات جر له حاجه

عزة بدموع : فريده...فريده وقعت في الحضانه وهي بتلعب...وإتصلوا بيا روحت لقيتها عماله تصرخ من رجلها... اخدتها وجيت هنا علي المستشفي.... احنا تحت في الاستقبال تعال الحقني يابني

طارق بخوف : انا نازل حالا

خرجت اجري من المكتب.... ونزلت الاستقبال ... لقيت ماما واقفه علي باب اوضه الكشف بتعيط ... وصوت عياط فريده طالع من الاوضه

طارق وصل الاوضه : خير يا ماما ايه الحصل.... مالها فريده

عزة بدموع: اتصلو بيه من المدرسه... وقالوا انها وقعت... فضلت اتصل بيك قالوا في العمليات..سيبت فريال عند الجيران... ونزلت اجري

طارق بصدمه : جيران... فريال عند جيران ازاي تسبيها يا ماما

عزة بدموع : هعمل ايه بس يابني... ماكنتش هقدر اشيلها وروح اشوف اختها..انا كبرت يابني . مبقاش فيا صحه

طارق ينفخ بضيق وحزن ويدخل لبنته : خير يا دكتوره امل ... فريده مالها

امل بابتسامه وهدوء : متقلقش كده يا دكتور دا جزع بسيط..... انا اديتها مسكن وهتبقي... زي الفل

طارق يقرب من فريده : سلامتك يا حبيبتي ايه اللي حصل ... وقعتي إزاي

فريد بدموع : كريم زقني من علي الزحيلقه.... وقعت علي رجلي ...

طارق بضيق : والمس بتعتك كانت فين

فريده بزعل :كانت بتتكلم في التلفون

عزة بدموع : منهم لله روحت... الحضانه لقيتها ميته من العياط... ويقولولي كانت بتجري وقعت ومابعتوش حد معايا..عشان يطمنوا عليها

دكتوره امل بضيق : للاسف كل الحضانات دلوقتي بقي فيها اهمال كبير ... انا يوسف ابني كان في حضانه بيرجع كل يوم متعور..... ومره عينه كانت هتروح .... وكنت هتجنن الحمد الله.... نقلته منها ووديته حضانه كويسه ....اصل فاتن اخت احمد بعد ما جوزها مات .... عملت مشروع حضانه هي وواحده صاحبتها.. فنقلت يوسف عندها هناك... وبقيت مطمنه عليه (وتبص لطارق). خلي فريده تروح عندهم في الحضانه يا دكتور...فيها امان واهتمام وهتتبسط فيها اوي... وانت هتكون مطمن عليها

عزة : نوديها لو كويسه زي ما بتقولي وفيها اهتمام ... انا عمري ما هرجع الحضانه إللي كانت فيها دي تاني دول ماعندهمش ضمير

طارق بحزن : والله انا ما بقيت.....عارف اعمل ايه... هاخد بالي منهم في الحضانه وإللي البيت...

امل بهدوء : معلش يا طارق.. ربنا يقويك عليهم ... انا هكلم فاتن..وهخليها تكتب اسم فريده... و ممكن تودي فريال كمان.... هم عندهم بيبي كلاس... و بيهتموا بالاطفال جدا...... وكده هتاخد البنات وانت نازل الصبح الحضانه.... ووانت مروح هتاخدهم معاك .....ومتقلقش عليهم ابدا.... هيهتموا بيهم جدا .. مش هتشيل همهم وانت في الشغل

عزة بابتسامه : ياريت تكلميها يا دكتوره.. (وتكمل بحزن)والله انا ما بقي فيا صحه... وبخاف يجر ليا حاجه وهم معايا في البيت لوحدهم..كلمي قريبتك.. مدام الحضانه كويسه زي ما بتقولي ..وكتر خيرك انا مش عارفه اشكرك ازي

امل بابتسامه : مافيش بنا شكر يا طنط... ( وتحط ايدها علي راس فريده بحزن) ربنا يحميهم..فريده حتة من فدوي الله يرحمه

طارق بابتسامه ويحضن بنته : فعلا فريده كل ما بتكبر... بتبقي شبه فدوي اكتر

عزة بتنهيده : ربنا يرحمها... ويحمي بناتها ويطول في عمرهم

امل بابتسامه : امين.... انتم تقدروا تروحوا دلوقتي هي كويسه والمراهم دا تتدهن منه تلات مرات في اليوم.... وهما يومين وهتبقي بخير...( وتبص لطارق) وانا هكلم فاتن... ويوم السبت ودي البنات... صدقني هيتبسطوا هناك... وانت هترتاح والحضانه قريبا من المستشفي .... وهتكون مطمن عليهم

طارق بابتسامه : متشكر اوي يا امل.... هبقي اكلمك واعرف العنوان بظبط

واخدت فريده وروحت ... لقيت فريال عمله تعيط عند الجيران .. وكانت خايفه ..واول ما شاف*ني اترمت في حضني..ومرديتش تسيبني غير لما نامت.. فضلت قاعد بفريده يومين في البيت.. لحد ما بقيت كويسه ويوم السبت.. اخدت البنات و ماما... ورحنا الحضانه..... اللي اخدت عنوانها من امل وكانت امل في انتظرنا مع فاتن

امل بابتسامه : صباح الخير....تعبتي نفسك ليه يا طنط

عزة بابتسامه : صباح النور يا امل... كان لازم اجي اطمن علي البنات بنفسي بردوا ..

امل : ربنا يخليكي ليهم يا طنط... ( وتشاور علي فاتن إللي واقفه جمبها ...فاتن سنه30 كانت لبسه جيبه واسعه سمرا وقميص نبيتي وطرحه سمرا في نبيتي وشها كان هادي وابتسامتها رقيقه)

امل : فاتن اخت جوزي وصاحبة الحضانه ( وتبص لفاتن بابتسامه )....ودا دكتور طارق... وطنط عزة والدته .. والقمرات دول فريده وفريال إللي كلمتك عليهم

فاتن بابتسامه رقيقه :اهلا وسهلا.( وتنزل لمستوي فريده... وفريال) بسم الله ما شاء الله.ايه القمر دا. انتي اسمك ايه

فريده ب**وف : فريده

فريال كانت واقفه وحطه ايدها في بؤها... ففاتن قربت بابتسامه ومسكت ايدها وبستها :ازيك يا سكر ... تيجي نلعب في المرجحه

فريده فرحه : انا العب

فاتن حاولت تمسك فريال فعيطت ..ومسكت في رجلي .. نزلت شالتها وحضنتهاففاتن بصت ليها بابتسامه وسابتها عشان متعيطش ..واخدت فريده من ايدها وراحت للمرجيح....وكلنا روحنا وراهم ... ووقفونا نشوف فاتن وهي بتلعب مع فريده وتضحك... فريال كانت شايفهم وهما بيلعبوا وشافت اختها بتضحك فنزلت من علي ايدي وراحت ليهم ... وفاتن مسكتها.... وبقوا يلعبوا سوا وأنا واقف عيني علي بناتي إللي سامع ضحكتهم وشايف فرحتهم وهم بيلعبوا

عزة بابتسامه :بسم الله ماشاء الله..فاتن روحها حلوه وقدرت تجذب البنات ليها

امل بابتسامه وهي بتبص علي فاتن والبنات : مافيش اطيب والا احن من فاتن...بتحب الاطفال جدا....وكل الاطفال هنا بيحبوها ..ومتعلقين بيها

عزة تبص لامل : انتي قولتي انها ارمله.... بس دي شكلها صغير اوي

امل بحزن : فاتن 30 سنه.اتجوزت زميل ليها... بس كان مريض من قبل ما يتجوزوا ...وهي كانت معجبه بيه فتجوزته...وفضلت معاه ووقفت جمبه طول فترة مرضه بس المرض.كان اقوي منه وتوفي بعد 8 سنين من جوازهم...

طارق بحزن : الله يرحمه

عزه بصت علي فاتن إللي نسيت نفسها مع البنات..وفضلت تلعب وتضحك معاهم

عزة وعينيهاعلي فاتن والبنات : هي عندها ولاد من جوزها الله يرحمه

امل بابتسامه : لا امل مابتخلفش.... بعد الجواز عرفت انها مبتخلفش... سبحانه الله هي اتجوزت وهو مريض ووقفت جمبه . و تتطلع مبتخلفش كانوا عايشين سوا مبسوطين .. حكمت ربنا الحمد الله علي كل حال ( وتبص لطارق) اظن كده اطمنت عليهم . يا دكتور. يلا بينا احسن اتاخرنا علي الشغل

طارق بقلق : تمام بس هاخد فريال... تروح مع ماما... اخاف تعيط لما امشي .. هي لسه صغيره

عزة : ما تسيبها يا طارق... مهي مبسوطه اهي...

طارق: مش النهارده يا ماما..... هبقي اجيبها كل يوم شويه لحد ما تاخد عليهم ..

امل بابتسامه : اوكي زي ما تحب (وتبص علي فاتن) فاتن احنا هنمشي( فاتن تقرب من البنات وتشيل فريال...وتمسك ايد فريده ..وتروح لعندهم...ويقرب منها طارق عشان ياخد فريال....رحت فريال معيطه ومسكت في رقبت فاتن)

فاتن بابتسامه : سيبها يا دكتور متقلقش عليها.... انا هخليها معايا.مش هسيبها .. ولو عيطت هنتصل علي حضرتك متقلقش عليهم ابدا

عزة بابتسامه وفرحه : سيبها يا طارق... فريال مبسوطه معاها

طارق بقلق يبص لفاتن : انا هسيبهم... بس لو سمحتي خلي فريال مع اخوتها في كلاس واحد... لحد ما تاخد علي جو الحضانه.... ولو عيطت ياريت تكلميني علي طول

فاتن بهدوء : ان شاء الله متقلقش حضرتك

يمشي طارق... وعينه علي بناته إللي فضلوا يلعبوا مع فاتن ويضحكوا.... وفي عربيه طارق بيوصل عزة

عزة بابتسامه : حنينه اوي فاتن... البنات حبوها اوي

طارق بقلق: يارب بس ميعيطوش لما يزهقوا من اللعب... انا ساعتين كده وهروح اخدهم

عزة : متخافش عليهم... انا ارتحت لفاتن... حسيت انها اتعلقت بالبنات ... اهي فاتن دي ممكن تكون زي امهم

طارق بغضب وانزعاج: مافيش حد زي فدوي يا ماما....

عزة بحزن : يا طارق فدوي بنت اخويه وبنتي.... وكانت اغلي من روحي.... بس الحي ابقي من الميت يابني... وبناتك محتاجين ام.... وفاتن ظروفها مناسبه جدا .... والبنات حبوها

طارق بغضب : هو من عشر دقائق شوفتيهم فيها بقيت مناسبه..و بعدين البنات فرحانين بالعب والمراجيح مش بيها (ويبصلها بضيق )انا مش هتجوز غير فدوي..فارجوكي متفتحيش الموضوع دا تاني

عزة بهدوء وحزن:ياطارق انا كبرت ولو قادره اعمل حاجه دلوقتي...سنه ولا اتنين و مش هقدر.... وبناتك لسه صغيرين.. والطريق قدامهم طويل.... وفدوي واصتني قبل ما تموت..اختار ليهم ام وحلف*ني وقالتلك انها مش هترتاح غير لما تطمنها علي بناتها لما يكون ليه ام بدل منها ...( وتحط ايدها علي كتف طارق اللي افتكر كلام فدوي والدموع اكونت في عينه) طمنها ياطارق.. ومتقلقش نموتها...انا شايفه فاتن طيبه...و هتكون ام كويس للبنات

طارق بتنهيده وحزن وضيق : هبقي افكر يا ماما

عزة بابتسامه : ربنا يريح قلبك يابني

طارق روح عزة لبيتها ... وراح علي شغله...بس كل تفكيره..في كلام امه..ووصيه فدوي...بس هو رافض انه حد يدخل حياته غير فدوي... فشال الفكره من راسه ..وانتبه لشغوله...و بعد ساعتين وقبل الميعاد رح ياخد البنات ويشوف اذ كانت فاتن .. اخدت بالها منهم ..والا كان تمثليه قدامه

اول ما دخل الحضانه سأال عليها... وعرف انها في كلاس فريده فقرب من الشباك بهدوء وبص جوه الكلاس ...شاف فاتن قعده بتغني اناشيد مع الاطفال .. وفريده قاعده جمب اصحابها بتغني وتضحك ... و فاتن شايله فريال علي رجلها.... و فريال عماله تحرك أيدها مع النشيد وتضحك.. وفاتن بتضحك علي ضحكتها.. وعمله تبوس فيها ... فرتسمت ضحكه علي وشه لضحكت بناته وفرحتهم ... وراح على الباب وخبط ..