25. Kiss
NAKATINGIN ANG dalaga kay Sage. Sinusubukan niyang basahin ang mga emosyon na nasa mata ng binata. Isa lamang ang nakikita niya nang mga sandaling iyon at iyon ay galit. Pinipilit makawala ng binata ngunit hindi nito magawa. Itinali niya kase ang kadena sa katawan nito nang subukan siyang saktan. Nakakonekta iyon sa bahagi ng rehas para hindi ito makaalis sa pwesto.
“Sage...” mahina niyang pagtawag dito. Sigurado siya, dahil sa side effect ng gamot na itinurok dito kaya ito naging ganito. Na-trigger iyon dahil sa sobrang emosyon ni Sage. Hindi siguro nito alam ang gagawin nang makita ang nangyari sa kanya kanina.
Gusto niyang magalit kay Mr. Dela Vega ngunit ang gamot na iyon lamang din ang nakapagsalba sa binata. Ang gamot na iyon lang din ang dahilan kung bakit buhay pa si
