NAUNA nang bumaba si Ma'am Reichel dahil kakausapin pa raw nito si Jacob. Siya naman ay hinintay pa niya si Philippe na matapos maglaro. Hindi kasi niya ito puwedeng basta na lang patigilin dahil mag-iiyak lang ito.
"Mama, want... Dada."
Natigilan siya sa narinig sa anak niya. Ilang araw pa lang nitong madalas na nakasama ang ama pero hinahanap na nito.
"Then, let's go downstairs. Nandoon ang Dada mo."
Tumango ito at itinaas ang dalawang braso para magpakarga sa kaniya.
Dumeretso sila sa kusina pagkababa nila. Naabutan naman niya roon si Manang Cecilia na nagpupunas ng mga baso at plato.
"Kakain ka na ba, hija? Sandali at ipaghahain kita."
Ngumiti siya. "Hindi na, Manang. Ako na lang po ang maghahain."
Inilapag niya muna niya ang anak sa upuan nito.
"Sigurado ka? Kaya mo na ba
