MATULING lumipas ang isang buwan. Parehong naging abala sina Ema at Nicholas sa kanya kanyang trabaho. Natutong mag-commute si Ema papunta at pauwi mula sa bahay ng kanyang kasintahan, at sa restaurant kung saan siya nagtatrabaho. Ayaw niyang makaabala sa nobyo kapag marami itong ginagawa kaya sinubukan niya ang kanyang makakaya upang umangkop sa kanyang bagong kapaligiran.
Madali siyang nasanay sa buhay dito sa siyudad. Nakagaanan na rin niya ng loob ang mga kasamahan sa trabaho.
Sa araw ay sa trabaho niya ibinuhos ang atensiyon at oras, maging si Nicholas ay gayundin. Ngunit kapag nasa bahay na silang dalawa ay sinisigurado nilang bumabawi sila sa isa't isa.
"Ate Ema," tinawag ng kadarating na si Tricia ang kanyang pangalan.
Kasalukuyan siyang nagbibihis sa locker area upang magsimu
